پارە وەرگرتنا ئاهێن خوارنـێ دێ بیتە ئەلكترۆنی
رێڤەبەرێ گشتیێ بازرگانی ل وەزارەتا بازرگانیا هەرێما كوردستانێ خویاكر، ل نێزیك سیستەمێ نوو یێ بەلاڤكرنا ئاهێن خوارنێ دێ كەڤیتە كاری و دبێژیت: ل گورەی سیستەمێ نوو، هەر كەسەكێ دو مەها سەرەدانا بریكاری نەكەت، دێ پشكا ئاهێن خوارنێ ژێ هێتە بڕین و ناهێتە ڤەگەڕاندن.
نەوزاد شێخ كامل، رێڤەبەرێ گشتیێ بازرگانی بۆ رۆژناما ئەڤرۆ دیاركر، ل ئایندەكێ نێزیك سیستەمێ نوو یێ وەرگرتنا ئاهێن خوارنێ هێتە دێ گوهۆڕین و ب رێیا ئەپلی كەیشنەكی دێ وەلاتی پشكا ئەرزاقێ مەهانە وەرگرن و گۆت: «ل دەستپێكێ پارەیێ ئاهێن خوارنێ ب رێیا ئەلكترۆنی دێ هێتەدان و وەكی بەرێ پارەی نادەنە بریكارێ ئاهێن خوارنێ، پشتی دانا پارەی دێ شێت پشكا خوە یا ئاهێن خوارنێ وەربگریت، ئانكو ب رێیا سیستەمێ پی یو ئێس دێ پارە هێتەدان».
نەوزاد شێخ كەمال گۆت ژی: «هەتا دو مەها ئەگەر وەلاتی ئاهێن خوارنێ وەرنەگرتن، ئێكسەر پشكا وی یا ئاهێن خوارنێ دێ هێتە راگرتن و دەمێ سەرەدانا بریكاری دكەت، دشێت ئاهێن خوارنێ وەربگریت، بەلێ ئەو دو مەهێن وەرنەگرتی و سەرەدانا بریكاری نەكری بۆ ناهێتە ڤەگەڕاندن، پێدڤیە وەلاتی هشیاری سیستەمێ نوو بن، دڤێت هەر مەه سەرەدانا بریكاری بكەن و ئیدی ئاهێن خوارنێ ژ لایێ بریكاری ڤە ناهێنە هەلگرتن».
