نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند

نێچیرڤان بارزانی، سەرۆكێ هەرێما كوردستانێ د بیرئینانا بۆردۆمانكرنا قەلادزێ دبێژیت: « ب رێزڤە سالڤەگەڕا 52 قوربانییێن بۆردۆمانكرنا قەلادزێ و زانكۆیا سلێمانیێ دكەینەڤە. ئەو تاوانكارییا ل 24 نیسانا 1974ێ كو رژێما وی دەمی یا ئیراقێ ئەنجام دای و تێدا ب دەهان قوتابی، مامۆستا و وەلاتییێن بێگونەهـ شەهید و بریندار بوون.»
گوت ژی «ئارمانجگرتنا زانكۆیێ وەك ناڤەندەكا زانستی و باژێرێ قەلادزێ وەك مەلبەندەكێ نیشتمانپەروەری، بزاڤەكا بێهۆدە یا رژێمێ بوو بۆ شكاندنا ئیرادەیا گەلێ كوردستانێ، لێ خوونا شەهیدان بۆ پالدەرەكێ زێدەتر بۆ بزاڤا رزگاریخوازا كوردستانێ و كاروانێ وێ بەرەڤ ئازادیێ ب هێزتر لێ كرو دوپات دكەین كو قەلادزێ و پشدەر كو هەردەم كەلهێن قایم یێن شۆڕش و قوربانیدانێ بوون، ژ هەموو ئالییەكی ڤە هەژی باشترین گرنگیپێدان و ئاڤڕلێدانەكا جدی نە».

کۆمێنتا تە