گەنجەكێ كورد پۆستێ كۆمسیارێ بازرگانی یێ نێڤدەولەتی وەرگرت
دلۆڤان هالۆ
دادڤان یوسف، گەنجەكێ خەلكێ زاخۆیە، د دیدارەكێ دا بۆ رۆژنامەیا ئەڤرۆ گۆت: ب رێكا بازرگانیا دراڤێ ئەلكترۆنی ئەز بوویمە كەسەكێ ملیۆنێر و ب پاشایێ دراڤێ ئەلكترۆنی ل سویسرا دهێمە نیاسین و ل ڤێ دووماهیێ ژی (دەڤید ئەدیان) سەرۆكێ وەلاتێ (ناورۆ) پوستێ كۆمسیارێ بازرگانی یێ نێڤدەولەتی دایە من، كو ئێكە ژ مەزنترین پوستێن بلند لڤی وەلاتی و ئارمانج ژێ بەرەف پێشڤەبرنا ئابوورێ وی وەلاتی یە.
هەروەسا گۆت: ل سالا (2000) ل زاخۆ ئەز ژ دایكبوویمە و دژیێ سێ سالیێ دا ل گەل خێزانا خۆ بەرەف وەلاتێ سویسرا چووینە و ئەڤە سالە ژ سویسرا هاتینە وەلاتێ ناورۆ و ل ڤێرە ئاكنجی بوویمە و من و ناسنامەیا ڤی وەلاتی ژلایێ سەرۆكێ ناورۆ ڤە ب من هاتیە دان، بۆ زانین وەلاتێ ناورۆ گزیرتەیەكا بچووكە دكەڤیتە زەریا ئارام و ئاكنجیێن وێ (12000) كەسن.