گەڕۆک
گرین نازی عەبدولباقی
ئەڤرۆ
ئەسمان!
یێ دگریت
و چاڤێن خوە ژ دیمەنێن
تاڤا ڕۆژێ زیز دکەت
ئەرد…!
یێ تێهنیبوونا خوە
بخوینێ دشکێنیت
با…!
دەنگێ گورگەکێ چاڤ برسییە
هێدی هێدی
لەشێ مە هوور هوور دکەت
ژلایەکێ دنێڕم گوڕ گوڕا عەورێن ڕەشە
ژ لایێ دن حڕ حڕا دوژمنێ دەڤ بەشە
لبن پێ یێن مە
بەختەکێ تژی ڕەژییە
و هێدی هێدی
دگەل باڕۆڤەیێ دزڤڕیت
و چاڤێن مە ژ ڤان دیمەنان تاری دکەت
لڤێ دنێڕم و
و من دڤێت بگریم
مینا …!
وی زاڕۆکێ ژنوو ژدایک بوویی
و هەر مایە برسی
جاران ژی
من دخواست..!
دناڤا ڤێ تۆفانێ دا
مینا بەلاتینکەکێ دوور وار بفڕم
و لسەر گۆلەکا تژی سەر تۆز بروونم
لێ!
پەڕێن من تژی برینن و
ها هندە دێ مرم
یان ژی..!
ببم گەڕوکەک چاڤ نەترس
چ کۆلانەکا بیانییە!
شوین پێ یێن خوە
لسەر ئاخا وێ ب شوبهینم
گەر ژمن بپرسن ژی!
ژوانرا بێژم گەڕوکەک ئاخ پارێزم
لێ تا نها ئەز خوەدیەک بێی ئاخم!