رێڤەبەرا رێك و پران: ل ناڤەراستا سالا بهێت پڕۆژەیێ رێكا باعەدرێ بـۆ دهۆكێ دێ ب دووماهـی هێت
دهۆك، دلۆڤان ئاكرەیی:
رێڤەبەرا رێك و پران ل پارێزگەها دهۆكێ دیاركر، پڕۆژەیێ رێكا نوو یا باعەدرێ بۆ دهۆكێ ئێكە ژ پڕۆژەیێن ستراتیژی و گرنگ ل پارێزگەها دهۆكێ، ماوەیێ پڕۆژەی سێ سالە و دبێژیت: ئەم پێشبینی دكەین ل مەها تەممووزا سالا 2027 و بەری دەمێ خۆ ب دووماهی بهێت و بكەڤیتە د خزمەتا وەلاتیان دا.
خەدیجا محەمەد، رێڤەبەرا رێك و پران ل پارێزگەها دهۆكێ بۆ رۆژنامەیا ئەڤرۆ گۆت: هەژمارەكا زۆرا تیمان و ئامیرە ل سەر پڕۆژەیێ رێكا باعەدرێ بۆ دهۆكێ كار دكەن، هەتا نوكە 70% كارێن پڕۆژەی، سەرەرای هەبوونا ئاستەنگ و ئاریشەیان ب دووماهی هاتینە، گرنگیا ڤی پڕۆژەی ئەوە، ئەڤ رێكە د كەڤیتە دەڤەرا باعەدرێ و یا گرنگە، چونكی هەژمارەكا زۆرا گوندان ل سەر ڤێ رێكێ نە و ئەڤ پڕۆژە دێ خزمەتەكا مەزن گەهینیتە كەرتێ چاندنێ و بازرگانیێ ل پارێزگەها دهۆكێ، ئەڤ رێكە پشكەكە ژ ستراتیژیەتا حكومەتا هەرێما كوردستانێ بۆ پێشئێخستنا رێكا بازرگانی د ناڤبەرا هەرێمێ و توركیا دا».
