دەرچوونا قوتابیێن دەرەکی ل کەرکووکی بۆیە جھێ گومانێ
ئەڤرۆ نیۆز، قائید میرۆ
ل پەروەردا کوردی یا پارێزگەھا کەرکووکێ ھەموو قوتابیێن پشکداری د تاقیکرنێن دەرەکی دا کری ب رێژەیا ١٠٠%ێ سەرکەفتینە و سەرۆکا لیژنا پەروەردێ ل جڤاتا پارێزگەھا کەرکووکێ دبێژیت، جھێ گومانێ یە و دێ ڤەکۆلین ھێتەکرن.
پەروین مەحەمەد، سەرۆکا لیژنا پەروەردە و خواندنا بلند ل جڤاتا پارێزگەھا کەرکووکێ بۆ ئەڤرۆ نیۆز راگەھاند” لپارێزگەھا کەرکووکێ پشکا خواندنا کوردی ئەڤسالە ھژمارەکا زۆرا قوتابیان پشکداری د تاقیکرنێن دەرەکی دا کریە و جھێ گومانێ یە، چونکو ھەموو قوتابیێن پشکدار دەرچووینە ١٠٠% بۆیە، لەوڕا ئەم دگەل رێڤەبەرێ پەروەردێ ئاخفتینە و دێ لێکۆلین ھێتەکرن، بۆچی ئەف ھەموو قوتابیە ب رێژا ١٠٠% سەرکەفتینە.
پەروینێ گۆتژی” دەرچوونا ڤان قوتابیان جھێ حێبەتیێ یە، پێدڤیە ئەم بزانین بەس تنێ خواندنا کوردی ھەموو دەرچووینە یان خواندنا عەرەبی و تورکومانی دەرچووینە، یان بەس یێن خواندنا کوردی دەرچووینە، ئاریشە گەھشتیە بەغداژی و دێ دوڤچوون ھێتەکرن.
گورەی زانیاریێن رۆژناما ئەڤرۆ ھژمارا قوتابیێن پشکداری د تاقیکرنێن دەرەکی دا کری لباژێڕێ کەرکووکێ پێنج ھزار قوتابینە و ھەموو سەرکەفتینە.
