بۆ جارا ئیكێ كوردەك دبیتە بڕیاردەرێ فەستیڤالا نێڤدەولەتی یا مۆنۆدراما یا قرتاجێ
زنار تۆڤی
بۆ جارا ئێكێ ل سەر ئاستێ كوردستانێ، كوردەك د ئاستەكێ بلند یێ هونەری دا ل رۆژهەلاتا ناڤین، پلەكا مەزن و ب ڤی رەنگی وەردگریت. نەجات نەجم، دەرهینەرێ كورد، ل باژێرێ كەركووكێ دیاركر كو بۆ جارا ئێكێ وەكو كوردەك، پلەیا بڕیاردەرێ فەیستیڤالێ ل خولا نوو یا فەستیڤالا نێڤدەولەتی یا مۆنۆدرامایا قرتاج ل وەلاتێ تونسێ ب من هاتیە سپاردن و ئەڤە بۆ من سەربلندی یە، هەروەسا نوكە چالاكیین ڤێ فەستیڤالێ رۆژانە د بەردەوامن و پشكداریا كوردان د ڤێ فیستیڤالا گەلەك گرنگیا خۆ بۆ كوردان و دانەنیاسینا هونەرێ كوردی ل جیهانێ هەیە هەروەسا نەجات نەجمی كەیفخۆشیا خۆ دیار كر بۆ وەرگرتنا ڤی پۆستی وەك ئێكەم كورد و ئاشكرا كر: ئەڤ پێنگاڤە دەلیڤەكا مەزنە بۆ ناساندنا پتر یا هونەرێ شانۆیا كوردی بۆ جیهانا عەرەبی و ئەفریقیا ژی، دیسان ئەڤ فەستیڤالە دێ بیتە ئەگەرێ ئاڤاكرنا پرا پەیوەندیان د ناڤبەرا شانۆكارێن كورد و وەلاتێن دی یێن جیهانی دا.
ل دووماهیێ گۆت: فەستیڤالا مۆنۆدرامایا قرتاج ل تونسێ ب ئێك ژ مەزنترین و ناڤدارترین فەستیڤالێن تایبەت ب شانۆیا تاكە كەسی (مۆنۆدراما) ل سەر ئاستێ جیهانێ دهێتە هژمارتن، سالانە ب دەهان شانۆكار، دەرهێنەر و رەخنەگرێن جێهانی تێدا پشكدار دبن، هەروەسا هەبوونا كوردەكی د لژنا بلند و وەك بڕیاردەرێ ڤێ فەستیڤالێ، دەستكەفتەكێ هونەری و دبلۆماسی یە بۆ بزاڤا شانۆیا كوردی و هەرێما كوردستانێ ل سەر ئاستێ جیهانێ.