تارق سەعید: کاودانێن دەڤەرێ کارتێکرن ل سەر قارەمانیێ کریە
د داخویانیەکێ دا تارق سەعید ڕاهێنەرێ تیما یانەیا دهۆک بۆ یارییا پایسکلان دیار کر ژبەر کاودانێن دەڤەرێ هەتا نوکە ژڤانێ قارمانیا ئیراقێ دیارنینە، هەما وەرزان هەتا ئەڤێ هەیڤێ قووناغا ئێکێ ل بەغدا ب دووماهی هاتبوو، ئەم ل گەل فێدارسونێ د پەیوەندیێن بەردەوام داینە ژبۆ زانینا هەرپێشهاتەکێ.
هەروەسان ناڤهاتی بۆ رۆژنامەیا ئەڤرۆ گۆت: مە دو تیم هەنە ل سەر ئاستێ لاوان و تازەپێگەهشتاین دێ پشکداربین، چار یاریزانێن مە بۆ هەلبژارتیێ ئیراقێ یاریی دکەن، هەرئێک ژ یاریزانان ئاڤەند و عیسام و یوسف و عەبدولڕەحمان، سێ ژوان بۆ تیما لاوان و ئێک تازەپێگەهشتیان، ئەم چاڤەرێ نە بۆ دانانا ژڤانەکی و بەرهەڤیێن مە د بەردەوامن.
بۆ زانین تیما پایسکلڤانێن دهۆکێ ل سەر ئاستێ لاوان قارەمانا وەرزێ بۆری بوو هەروەسان ل سەر ئاستێ تازەپێگەهشتیان ژی رێزێن پێشیێ ئینابوو.
