ڕەزاق فەرحان: شاشیێن دادڤانان خۆشیا خولێ ژ دەستدایە
د داخویانیەكێ دا یاریزانێ دێرین هەلبژارتیێ ئیراقێ و ئەندامێ كارگێرییا یانەیا جەوییە گازندە ژ ئاستێ دادڤانان و بڕیارێن وان گرت و ئاماژە دا ب هەبوونا كێم بەرپرسیارەتییا وان د ڕێڤەبرنا یارییان دا.
زێدەتر ڕەزاق فەرحان گۆت: هەرچەندە د قووناغا ئێكێ دا ئاستێ دادڤانان گەلەك یێ باش بوو و هەكە شاشی ژی هەبان چو كارتیكرنا خوە نەبوو، لێ پشتی دەست ب قووناغا دویێ هاتیە كرن شاشیێن وان زێدەبووینە و مەترسیدارن و بووینە ئەگەر كارتیكرنێ ل سەر ئەنجام و ئاستێ یانەیان كرییە، هەردەم مە دیتیە دادڤان خۆ پێشئێخین و مفایی ژ شاشیێن خوە وەردگرن و باشتر دبن، یێن خولا ستێرێن ئیراقێ شاشیێن وان زێدەتر بووینە.
ل دووماهیێ گۆت: ترسا مە ئەوە هندە دەستێن ڤەشارتی هەبن گڤاشتنێ ل سەر دادڤانان بكەن تایبەت یێن ل سەر سیستەمێ ڤارێ، هەكە ب شاشیێن دادڤانان نەبان د نوكە دا ئەم دا ل سەرێ لیستێ بین.
