رەوشەنبیریا كڕینا كەڤالان ل دەف مە نینە
شاكر ئەتروشی:
هونەرمەندێ شێوەكار (مەروان شوكری) د دیدارەكێ دا بۆ رۆژنامەیا ئەڤرۆ گۆت: ئەز چو جاران دەمێ خۆ ب هەروە نابۆرینم و بەردەوام مژوولی چێكرنا كەڤال و پەیكەرانم و نوكە هژمارەكا كەڤالێن نوو ل بەر دەستن، چنكو گەلەك جاران ژ نشكەكێ ڤە دێ داخوازنامەك بۆ پشكداریێ د پێشانگەهەكێ دا بۆ من هێت، ل وی دەمی دێ ئێكسەر بێژمێ من كەڤالێ حازر یێ هەی و دێ پشكدرابم، دەربارەی پەیكەران ژی مە پرۆژەیەك پێشكێشی سەرۆكاتیا باژێرڤانیا دهۆكێ كربوو، كو ل سەر هەر جادەیەكێ یان فلكەكێ یان دوریانەكێ یان جهەكێ دیار ل سەنتەرێ یاژێری ئەم پەیكەرەكی دانینێ، لێ دیارە ژبەر نەبوونا پارەی هەتا نوكە چو ژێ دیار نەبوویە.
ل دۆر دووماهی پشكداریا خۆ د پێشانگەهێن هەڤپشكدا، دووماهی پشكداریا مە د پێشانگەهەكێ دا بوو ل وەلاتێ (ئەمریكا) بەری وێ مە پشكداری د پێشانگەهەكا دی ژی دا كربوو كو ل پاركا تەحسین تاهای هاتبوو ڤەكرن و كارێ نوكە ئەز پێڤە مژوول چێكرنا كەڤالانم ژ بەرمایكان، وەكو كەڤالێ ل پشت من دیار من ب هندەك پارچەیێن (ئاسنی، بوتلێن ئاڤێ، واشران، كەوەران، بورغی و قودیكان) چێكریە، دبێژنە ڤی شێوازی (ریوس یان ریسكالین) كو ب بەرمایكان هاتیە چێكرن، بۆ زانین هەتا نوكە من (18) كەڤالێن خۆ فرۆتینە و یێ ژ هەموویان گرانتر ب (500) دۆلاران بوو، لێ مخابن هەتا نوكە رەوشەنبیریا فرۆتنا كەڤالان ل دەف مە نینە، هەروەسا وەك پرۆژە ئەڤە چەند سالن ئەز مژوولی چێكرنا وێنەیێن هندەك كەسێن ناڤدارم، وەك رەوشەنبیر و هونەرمەند و رۆژنامەڤان و ماقیل و ریهسپیێن باژێری كو ب شێوێ (پورترێت) نێزیكی (30) وێنەیان هاتینە چێكرن و دێ هێشتا هێنە چێكرن و مە ل بەرە وان د پێشانگەهەكا تایبەت دا نیشا بدەم.
