ژیریا چێكری كارێ هونەری ب ساناهی كریە
هەرهین محەمەد:
مۆزیكژەن (كاوار عسمەت) د دیدارەكێ دابۆ رۆژنامەیا ئەڤرۆ گۆت: ئەز ئامیرەیێن (عود و ساز و جمبش و پیانۆیێ) دژەنم، بەلێ (عودێ و پیانویێ) بۆ من هەستەكێ تایبەت هەیە و ئارامیەكا مەزن ددەتە من و مۆزیك ب خوە ئیلهامەكا خودایی یە هەر وەكو چەوا ئیلهاما هەلبەستێ بۆ هەلبەستڤانی دهێت وەسا بۆ مۆزیكژەنی ژی دهێت و هەكە مۆزیكژەن ئەوێ ئیلهامێ تومارنەكەت، یان راهێنانان ل سەر نەكەت دێ ژبیركەت.
هەروەسا گۆت: هەموو كەس دشێن و فێری مۆزیكێ ببن، بەلێ ب مەرجەكی حەز ل سەر هەبیت و ل ڤی سەر دەمی تەكنەلۆژیا و ژیریا چێكری كار گەلەك ب ساناهی كەفتیە، لەورا دڤێت مۆزیكژەن و هەلبەستڤان و ئاوازدانەر بەردەوام ل نوویاتیان بگەرن داكو ل گەل داهێنانان د بەردەوام بن و من ب رێیا ژەنیێ خزمەتا چەندین هونەرمەندان كریە و دێ یێ بەردەوامبم.
