بەرنامەیێ (10 گاڤ) دەلیڤەیە بۆ رەوشەنبیریا جڤاكی و دیرۆكا گەلێ كورد
بێوار حەمدی
نڤیسكار و مەدیاكار (سەبری سلێڤانەیی) د دیدارەكێ دا بۆ رۆژنامەیا ئەڤرۆ گۆت: ئەز خۆ نابینم وەكو راگەهاندكار، بەلكو بتنێ بزاڤن ژبۆ پتر خزمەتێ و ل سالا 2007 من دەست ب پێشكێشكاریێ كریە، لێ هەر وەكو نڤیسكار بەرنیاسم و دێ بەردەوامبم، ژبەركو ئەز خۆ یێ راستەقینە د نڤیسكاریێ دا دبینم.
هەروەسا گۆت: بەرنامەیێ (10 گاڤ) بەرنامەیەكێ (جڤاكی، كلتۆری، رەوشەنبیری) یە و دەلیڤەیەكا باشە بۆ ڕەوشەنبیریا جڤاكی و دیرۆكا گەلێ كورد، لەوما دڤی بەرنامەی دا ئەم پتر گرنگیێ ددەینە تەخا گەنج و لاوان كو باشترین دەلیڤەیە بۆ وان ژی خۆ بنیاسن و تەڤلی پرس و بەرسڤان بن و باشترین مفایێ ڤی بەرنامە ئەوە كو مرۆڤ فێری گوهداریێ و پرسیار و هزركرنێ دبیت، لێ دڤێت مرۆڤ ل سەر سروشتێ خۆ بیت و شەرم ژ پرس و نەزانیان نەكەت و ئەم پێدڤی ب ڤان جۆرە بەرنامەیا نە یێن خزمەتا تاك و جڤاكی بكەن ب هەر جۆرەكێ بیت.
