زاهر جەلال دێ بەرهەمەكێ نوو بەلاڤكەت
زنار تۆڤی
هونەرمەند (زاهر جەلال) د دیدارەكێ دا بۆ رۆژنامەیا ئەڤرۆ دیاركر كو ئەو دێ ل ڤان نێزیكان نووترین سترانا خۆ ب ناڤێ (بولبولی شەیدا) ب شێوێ ڤیدیۆ كلیپ دێ بەلاڤكەت، ئەو ستران ژ پەیڤێن مامۆستا (هێمنی) نە و ئاوازا وی ب خۆیە و هاودەنگ هەمەوەند كارێ دەرهێنانێ بۆ كلیپێ كریە و ل فێرگەها سی ئێم ئی هاتیە تۆماركرن و دگەل گرۆپێ مۆزیكا حەبیبە ئەڤ كارە هاتیە ئەنجام دان.
ناڤهاتی گۆت: ل سالا 1989 ل هەولێرێ ئەڤ بەرهەمە هاتبوو تۆماركرن، بەلێ دەمێ من بریە سلیمانیێ بۆ بەلاڤكرنێ، وەزارەتا رەوشەنبیری یا وی سەردەمی بەلاڤكرنا وێ سترانێ قەدەغەكر ل سلێمانیێ، ژبەركو پەیڤێن وێ سیاسی بوون، لەوما من دڤیا ڤێ سترانێ ل سالا 2026 ێ ل گەل گرۆپێ حەبیبە جارەكا دی تۆماربكەم، دەربارەیی دووركەفتنا وی ژ كارێ ئەكتەریێ ژی گۆت: هۆكار گەلەكن، بەلێ ئەڤ سالە من پشكداری د فلمەكێ سینەمایی دا كریە ب ناڤێ (سندوق) كو ژ دەرهێنانا دیاكۆ یە، كو بڕیارە بەری جەژنا قوربانی ل سلیمانیێ و پاشی ل باژێرین دی یێن كوردستانێ بهێتە نیشاندان.
