ل ئاكرێ كۆمەكا بڕیاران ل دۆر نەهێلانا زێدەگاڤیان هاتنە دان
رەمەزان زەكەریا:
ب مەرەما پاراستنا سیمایێ شارستانی یێ دەڤەرێ و ڕێگریكرن ل هەر جۆرە پێشێلكاریەكێ ل دیوانا دەڤەرداریا ئاكرێ كۆمبوونەكا بەرفرەهـ ب ئامادەبوونا ڕێڤەبەرێن ناوچەداریان و بەرپرسێن سازیێن پەیوەندیدار هاتە كرن.
دكتۆر دلاوەر بۆزۆ، دەڤەردارێ ئاكرێ بۆ ئەڤرۆ گۆت: «د كۆمبوونێ دا ب هووری چاوانیا ڕووبڕووبوونا زێدەگاڤی و پێشێلكاریان و شێوازێ پاراستنا مۆلكێ گشتی هاتە هەلسەنگاندن و دانوستاندن لسەر هاتنە كرن».
ناڤبری گۆت ژی: «كۆمەكا بڕیار و ڕێكارێن پێدڤی و توند بۆ ڕووبڕووبوونا دیاردا زێدەگاڤیان هاتنە وەرگرتن، جەخت ل سەر موكۆمكرنا هەماهەنگیێ د ناڤبەرا هەموو لایەنێن پەیوەندیدار دا هاتە كرن، پێخەمەت بجهئینانا سەروەریا یاسایێ ل سەر هەموو لایەكی و پاراستنا مۆلكێ گشتی ژ هەر تێكدان و دەست ب سەرداگرتنەكێ و پاراستنا سیمایێ شارستانی یێ ناڤەندا ئاكرێ و هەموو ناوچەداریێن وێ».
