پێدڤیە ئەمریکا هێزێن خوە ژ ئۆرۆپا ڤەکێشیت
پەیڤدارا وەزارەتا دەرڤە یا رۆسیا دیار کر، هەبوونا هێزێن سەربازی یێن ئەمریکا ل وەلاتێن جودا جودا یێن ئێکەتیا ئۆرۆپا مەترسینە ل سەر بەرژەوەندیێن رۆسیا و دڤێت ئەمریکا هێزێن خوە ژ ئۆرۆپا ڤەکێشیت و سەبارەت ب هێزێن ناتۆ ژی ل سەر سنۆرێن رۆسیا بەری نها ژی وەکو رۆسیا وان هۆشداری داینە وەلاتێن ناتۆ و دڤێت ناتۆ ب چو رەنگەکێ خوە نێزیکی سنۆرێن رۆسیا نەکەت.
ماریا زاخارۆڤا ئەو یەک ژی دیار کر، د شەڕێ نها یێ ل گەل ئۆکرانیایێ دا وەلاتێن ناتۆ چەکێن گران ددەنە ئۆکرانیایێ و هەروەسا هەبوونا هێزێن ناتۆ ل سەر سنۆرێن رۆسیا ژی مەترسیەکا گەلەک مەزنە، دڤێت ئەو هێزە ژ سنۆرێن رۆسیا دوور کەڤن، رۆسیا بەری نها ژی نەرازیبوونا خوە ل هەمبەر هێزێن ناتۆیێ دیار کریە. هەروەسا هندەک وەلاتێن جیرانێن رۆسیا ژی دخوازن خوە نێزیکی ئۆرۆپا بکەن ئەو یەک ژی دێ ئاریشەیێن نوو بۆ وان دروست کەت و باشترە خوە ژ ئۆرۆپا دوور بکەن.
