رووسیا پێگەهێ خوە ل سووریێ بهێز دکەت
بەرپرسەکێ وەزارەتا دەرڤە یا ئەمریکا بۆ رۆژنامەیا واشنتۆن پۆست یا وی وەلاتی دیار کریە کو چەند رۆژن رۆسیا هێزێن سەربازی و چەکێن گران ل چەندین بنگەهێن خوە یێن بەرێ ل سووریێ بجه کریە، ئەو بنگەه پشتی ژناڤچوونا رژێما بەشاری ل سووریێ هاتبوونە چۆل کرن، لێ چەند رۆژن جارەکا دی رۆسیا هێزێن سەربازی و چەکێن گران ل وان بنگەهان بجه کریە و ئەو یەک ژی نیشا ددەت کو رۆسیا دەست ژ بەرژەوەندیێن خوە ل سووریێ بەرنادەت.
هەمان بەرپرسی ئەو یەک ژی دیار کریە، بزاڤێن ڤێ دووماهیێ یێن رۆسیا ل سووریێ بۆ ئەمریکا جهێ گۆمانێ نە، چونکی بهێزبوونا پێگەهێ رۆسیا ل سووریێ دێ مەترسیێن گەلەک مەزن بۆ بەرنامەیێ ئەمریکا ل سووریێ دروست کەت، ب تایبەتی ژی د دەمەکێ دا کو ئەمریکا گەلەک ژ هێزێن خوە ژ سووریێ ڤەکێشاینە و یا نها روو ددەت دشێت د پاشەرۆژا دا مەترسیێن مەزن بۆ ئەمریکا دروست کەت.
