ب تەمامبوونا پڕۆژەی، رێیا دهۆك بۆ هەولێرێ ب تەمامی دێ بیتە جۆتساید
كاركرن ل سەر پڕۆژەیێ ستراتیژی یێ دیزاینكرن و بجهئینانا جۆتسایدكرنا 26 كیلۆمەترێن ڕێكا ئێتیت بۆ باعەدرێ بەردەوامە و هەتا نوكە پڕۆژەی قووناغێن باش دەرباس كرینە.
ئەڤ پڕۆژە، ئێك ژ پڕۆژەیێن ستراتیژی یێن حوكمەتا هەرێما كوردستانێ یە، ب تەمامبوونا پڕۆژەی ڕێكا د ناڤبەرا دهۆك بۆ هەولێرێ ب تەمامی دێ بیتە جۆتساید.
پڕۆژە ژ سێ قووناغان پێك دهێت، نوكە كار لسەر دووماهییا دو قووناغێن دەستپێكێ و بڕین و داگرتنا قووناغا دووماهیێ دهێتە كرن.
ب مەرەما سلامەتییا دەربازبوون و هاتنوچوونا وەلاتیێن گوند و دەڤەر و باژێڕێن دكەڤنە سەر ڤێ رێكێ، د ناڤ پڕۆژەی دا پتر ژ 10 ئەندەرپاس و ئۆڤەرپاس ل گەل ڤەكرن و قێركرنا پتر ژ 30 كیلۆمەترێن ڕێكێن خزمەتگوزاری هاتینە چێكرن.
پڕۆژە دكەڤیتە دەڤەرەكا چیایی یا ئاسێ، لەو هەژمارەكا زۆرا ئاڤڕێژان هاتینە چێكرن.
