دیارییا مەلا مستەفایێ بارزانی دایـە بابێ من هێشتا یا ل دەف مـن پاراستی یـە
سالار محەمەد دۆسكی:
7-7
هەمان پێشمەرگەیێ شۆڕشا گولانێ ئەو ژی گۆت: ئەم ل هەوا ئەنفالێن رەش ئانكو سالا 1988ێ پەنابەری وەلاتێ توركیا بووین هەتا 1992 و ئەم چار سالان ماینە ل وێرێ، پشتی سەرهەلدانا پیرۆز لێژنەك ب فەرمانا جەنابێ سەرۆك بارزانی هاتە دەف مە، هاتنە مالا مە، محمد كەرەم تروانشی و شێخ مەئمون نور محەمەد بریفكی بوون، لگەل چەند كەسێن دی و پشتی خوارنا فرافینێ جەنابێ وان گۆتیی جەنابێ سەرۆكی فەرمان دایە قەستا وەلاتێ خوە بكەن و بەرهەڤی هاتنەكرن و ناڤ هاتنە نڤێسین كو قەستا وەلاتێ خوە بكەین و ئەم ژ وەلاتێ توركیا ب رێكەفت بەرەف كوردستانێ و ل ئیبراهیم خەلیل و دهۆك و زاخو پێشوازیەكا جوان ل مەهاتەكرن
هەمان پێشمەرگەیێ شۆڕشا گولانا پێشكەفتنخواز ئەو ژی گۆت: پێشتر و بەری ئەم بهێنە ناڤ ئاخا كوردستانێ یا ئازاد خەلكەك هەبوو خوە رادەست دكر، و دزڤرین بەلێ بابێ من گۆت سوز بیت وی دەمی بچمەە كوردستانێ ئالایێ كوردستانێ د دەستێ من دابیت و بابێ من ئالایێ زور ب ترۆمبێلا مەزن ڤە كر هەتا ئەم گەهشتینە ئیبراهیم خەلیل، و بابێ من گەهشتە مراد و هیڤی و ئومێدا خوە ل سالا 1993ێ بابێ من چوو بەر دلوڤانیا خودێ و ئەڤە ژی ئەگەر گەلەك ماندیبوون و زەحمەت دیت بوو و دیسا دەمێ مالا مە ل گوندێ(هێسێ) كێمیا وی پێوەركر بوو، دیسا ل كەمپا موشێ ژی گەلەكێ نەخوش بوو و من گەلەك برە دەف نوژدار و هاریكاری بۆ كر بەلێ هەر یێ نەخوش بوو.
هەمان پێشمەرگەیێ شۆڕشا گولانا پێشكەفتنخواز ئەو ژی گۆت: پشتی هاتینە كوردستانێ ل سالا 1992ێ وی دەمی ئەم بووینە پێشمەرگە وی دەمی شەرێ ناڤخویی بوو و و (مەلا رەمزان) خودێ ژێ رازی بیت وی دەمی بەرپرسێ لەشكرێ چار بوو بومن هێزەك دروستكر وی دەمی مەلا رەمەزن شەهید بوو و بابەكر بەرپرسێ سوپایی بوو و دوڤدا (محەمەد محسن) هاتە دەڤەرێ و هێز هاتنە پێكئینان و بارەگایەك دامە ل (كارە) و ناڤێ هێزا مە (ئاگر) بوو و هەتا سالا 1994ێ فوج هاتنە پێكئینان و فەوجەك دامە هەات سالا 1997 و لیوا هاتنە دروستكرن و كرمە ئامر لیوا 18ێ و گەلەك شەران دا بریندار بووم ژی، هەتا سالا 1998ێ بوومە ئامر هێز، د وێ ئامر هێزێ دا ئەز گەلەك ب سەختی بریندار بووم، مینەك ب من ڤە تەقی و برینەكا گەلەك مەزن بوو، نەخۆشخانەیێن مە نەشیان من چارەسەر بكەن، لەورا ئەز هاتمە رەوانەكرن بۆ وەلاتێ توركیا، نێزیكی حەفتی و پێنج رۆژان ئەز ل نەخۆشخانەیێن ئەنقەرە.
هەمان پێشمەرگەیێ شۆڕشا گولانێ ئەو ژی گۆت: ل وولاتێ توركیا(9) نشتەگەری بوو من هاتنەكرن، یێن گوهـ و چاڤ و دەست، هەتا چارەسەری یا مە هاتیەكرن، و مەزاختیەكێ مەزن هاتە مەزاختن و جەناێ سەرۆك بارزانی هەمی مەزاختی ب ستۆیێ خوە ڤە گرت و هەتا نوكە ژی ئەم سوپاسی یا جەنابێ وی دكەین كو پشتەڤانیا مە یێ بەردەوامە.
هەمان پێشمەرگەیێ شۆڕشا گولانێ ئەو ژی گۆت: پشتی بریندار بوونێ ئەز چوومە دئەركێ خوە دا و پشتی ڤەگەریایم ب فەرمانا دكتوری دەستیردان ب من هاتەدان و ەز ڤەگەریامە ڤە و ماوێ دو هەیڤان ئەز ل مال یێ دەستیردایی بووم، بەرپرس و هەڤالێن مەیێن هێزێ هەر هەمی دئەركێ خوە دا بوون و ژ نەچاری من داخازا خانەنشین بوونێ كر، و بابەكر زێباری گۆت دێ چیە ئەركێ خوە و ل سەر خواستا وی مامە دئەركێ خوە دا هەتا سالا 2003 هاتمە ڤەگوهاستن بۆ هێزا دەركارێ بوومە بەرپرسێ وێ هێزێ و پشتی 2005 چوومە سەر هێزا سوپایی و من بەردەوامی دا خەباتا خوە یا پێشمەرگاتیێ و ل سالا 2006 هێرە نەشیام بەردەوامیێ بدەمە دەوامێ وەك پەككەفتی هاتمە هژمارتن و ئەندامێ سوپایی بووم و پلا من عەمید بوو و پشتی بورینا چەند سالان جەنابێ سەرۆكی پلەك بۆ هەمی پەككەفتیا وەك دیاری پێشكێشكر و پلا من بلند بوو بۆ لیوا و هەتا نوكە ل سەر كیسێ پەككەفتی یامە و ماوێ چەند رۆژە هاتینە گازیكرن كو دێ هێینە خانەنشینكرن.
هەمان پێشمەرگە گۆت: ل كونگرێ 13 یێ پارتی دیموكراتی كوردستان ب مەدالیا بارزانی هاتمە خەلاتكرن و گەلەك كەیفا مە هات و مەزانی خەبات و بەرخودانا مالا مە و من بەر ئاڤێ دا نەچوویە و پتریا چیایێن كوردستانێ را دەربازبووین و هەڤال ژی پشتەڤان بوون كو مافەكێ منە بهێمە خەلاتكرن.
ل دووماهیێ هەمان پێشمەرگەیێ شۆڕشا گولانێ گۆت: ئەم سوپاسی یا سەركردایەتیێ دكەین، سوپاسی یا جەنابێ سەروكی، سوپاسی یا بەرپرسێن خوە دكەین، كو خزمەتا هەمی هەڤالان بەرچاڤ بهێتە وەرگرتن، ئەم ب ڤێ خزمەتێ خوە دسەربلندین و كەیڤخوەشین، و پشت ڕاستین ژی ئەڤ مللەتە دێ ڕۆژەكێ گەهیتە ئەنجامەكێ باش ب ئانەهی خودێ و خوینا شەهیدا و زەحمەتا ڤی خەلكی بلاش ناچیت و سوزێ دەم هندی دژیانێ دا بین و مە شیان هەبین خزمەتا گەل وەلاتێ خوە بكەین.
