پۆتین: مە چەک نەداینە ئیرانێ
سەرۆکێ رۆسیا دیار کر، د چەند رۆژێن بۆری دا گەلەک ژ دەزگەهێن راگەهاندنا ئەمریکا بەحسێ ڤێ یەکێ کرینە کو د شەڕێ ل گەل ئیرانێ دا رۆسیا چەکێن پێشکەفتی داینە ئیرانێ، لێ چو راستی بۆ ڤێ یەکێ نینە و رۆسیا د دەمێ شەڕی دا چو چەک نەداینە ئیرانێ.
ڤیلادەمیر پۆتینێ سەرۆکێ رۆسیا ئەو یەک ژی دیار کر، ئەو پشتەڤانیێ ل هەلوەستێ دووماهیێ یێ ترامپی ل دۆر ئیرانێ دکەت، چونکی ترامپ ژی باش تێگەهشت کو ب شەڕی چو پرسەک ناهێتە چارەسەرکرن و وەکو رۆسیا ئەو پشتەڤانیێ ل دانوستاندنێن د ناڤبەرا ئیرانێ و ئەمریکا دا دکەن و گرنگە هەر دو وەلات پرسێن هەی ب رێیا دانوستاندنان چارەسەر بکەن.
سەرۆکێ رۆسیا ئەو یەک ژی دیار کر، وەلاتێ وی بەرهەڤە یۆرانیۆما پیتاندی یا ئیرانێ وەربگریت و کار بۆ ڤێ یەکێ بکەت دا ئیران و ئەمریکا بشێن پرسێن هەی د ناڤبەرا خوە دا چارەسەر بکەن.
