ئیران ئاریشەیان بۆ لوبنانێ دروست دکەت
سەرۆک وەزیرێن لوبنانێ دیار کر، وان دڤێت ب رێیا دانوستاندنان پرسێن هەی ل گەل ئسرائیلێ چارەسەر بکەن، لێ مخابن دەستێوەردانێن بەردەوام یێن ئیرانێ د کاروبارێن ناڤخوەیی یێن لوبنانێ دا بووینە ئەگەر کو پرسێن هەی ئالۆزتر لێ بهێن و دڤێت ئێدی ئیران ب چو رەنگەکێ دەستێوەردانێ د کاروبارێن ناڤخوەیی یێن لوبنانێ دا نەکەت.
نەواف سەلام ئەو یەک ژی دیار کر، وان بەری نها ژی داخواز ژ حزبوللاهێ کرینە کو نەبیتە مەترسی بۆ لوبنانێ، مخابن ژ بەر ئێرشێن ڤێ دووماهیێ یێن ئسرائیلێ دیسان گەلەک وەلاتیێن سڤیل یێن لوبنانێ بووینە قوربانی و وەکو حوکمەتا لوبنانێ وان دڤێت حزبوللا و ئیران نەبنە ئەگەر کو ئسرائیل ئێرشی لوبنانێ بکەت و دڤێت ئیران رێزی ل سەروەریا لوبنانێ بگریت، نابیت ئیران بابەتێ لوبنانێ بۆ بەرژەوەندیێن خوە بکار بینیت و گرنگە ئیران پێداچوونێ د سیاسەتا خوە دا بکەت، چونکی لوبنانێ نەڤێت ببیتە پشکەک ژ شەڕێ ئیرانێ ل گەل ئسرائیلێ.
