ئەز گۆمانێ ژ كونێن مهزن دبهم
بەیارێ زاویتەیی
دێمێ من ل بهرخۆدیكێ وهكو خوهیه و
چاڤێن من ل جهێ خوه د ڤالانه
هزر ههمی د رهشن و
بنیات خلۆلهنه
ژ ههمی تشتان ب گۆمانم
لێ هێشتا ئهز ئهزم
بیرا من ناهێت دووماهی جار
كهنگی ئهز یێ ئازاد بووم؟
دیمهن ههمی وێنەیێن ژیان و
مرنهكا سهخته نهخشه دكهن
سهرتلێن من دلهرزن و
ئهز یێ
ژ ئاگرێ د سینگێ خوه دا و
ژ دهنگێ تهیێ دوور و
لهشێ خوه یێ سار
دترسم
دلێ من یێ خوه دخۆت و
دهنگێ من یێ بهرزه دبیت و
گیانێ من ب خوه ڕا دبهت
چ نهمایه دێ
دهنگێ من د من دا پهقیت و
ئهز یێ د بازنێ درهوان دا دزڤڕم
دووپشكێن روح سڤك ل دهردۆرا من دزڤڕن
یێ ژههرا خوه ل سهر هێلێن ئێشانا من بهلاڤ دكهن
چبكهم
بهختێ منه
خودێ ژی ل دیوانا ئبلیسا بهرههڤ نابیت
لهورا گۆمانێ ژ كونێن مهزن دبهم و
دبیت د نهبوونێ دا بخهندقم.
