ل جەژنیكان ب تنێ د رۆژەكـێ دا من 17 زارۆك ڤەشارتن
سالار محەمەد دۆسكی:
1-11
زیندانیێ سیاسی و پێشمەرگەیێ شۆڕشا گولانا پێشكەفتنخواز نسرەت بادی بۆ رۆژنامەیا ئەڤرۆ دیاركر، بۆ چوونا خاندنێ هێشتا وی دەمی قوتابخانە ل گوندی نەبوو لەوما من قەستا باژێرێ دهۆكێ كر دا بچمە بەرخواندنێ ل پولا ئێكێ من دەست ب خواندنێ كر و ل مالا مەتا خوە ئاكنجی بووم، و هەر وێ سالێ ل پولا ئێكێ بابێ من چوو بەر رەحما خودێ وەكی وەسیەت ڕادەستی مەتا من كربووم، و دەمێ سەركەفتیم و چوویمە پولا دووێ مەتا من ژی چوو بەر رەحما خودێ و ئەوێ ژی وەسیەت كربوو بۆ هەڤژینێ خوە و مامە ل مالا مەتا خوە هەتا قوناغا ئامادەیێ ژی من ل دهۆكێ ب دووماهی ئینای، دووڤدا چوومە زانكۆیا مویسل ل پشكا مێژوویێ هاتمە وەرگرتن ل سالا 1973 من باوەرناما بەكالوریوس وەرگرت، و دووڤدا چوومە باژێرێ بەغدا بۆ وەرگرتنا باوەرناما دبلوما پێشەیی یا بلند من دەست ب خواندنێ كر و دو كورسێن خواندنێ من ب دووماهی ئینان و دەربازبووم، ل بوهارا سالا 1974 وی دەمی بەرپرسێ ئێكەتیا قوتابیێن كوردستانێ بووم، و هەمان سال كاودانێن تەناهی بەرەف تێكچوونێ چوون و دەنگۆیێ ئەنجامدانا شەری هەبوو و ب وی رەنگی ئەو بەندێن رێكەفتنا 11ی ئادارێ یا سالا 1970 دهێنە بجهئینان یان ناهیێنە بجهئینان و كاودان تێكچوون و (محەمەد سالحێ ئازاد میران) ئەوێ هاتیە سێدارەدان ل گەل (لەیلا قاسم) ئەو بەرپرسێ ئادابێ بوو و ئەز ئەو پێكڤە دچووینە كومبوونان و هەڤالێ من بوو، و (نەریمان) ل پشكا زمانێ كوردی بوو وەك هەڤنیاسینی من ل گەل هەر دوكان هەبوو، بەلێ (لەیلا قاسم) خودێ ژێ رازی بیت من نەنیاسی و ئەم چووینە لقێ بەغدا كومبوونا وی دەمی هاتبوو تێكەلكرن وەك ئێكەتی و پارتی و عادل موراد بەرپرس بوو، ئەز و خودێ ژێ رازی ئازاد میران گەهشتینە ئێك و گۆتە من كاك نسرەت دێ چی یان دێ مینی من گۆتێ من باوەرناما بەكالوریوس هەیە و ئەز دێ چم و خوە تووش ناكم، و گۆت ئەگەر دێ چی زووی هەرە هێشتا زالگەهێن حوكمەتێ گەلەك بزحمەت نەكەفتین، رۆژا پاشتر هاتمە گەراجێ عەلاوی ل بەغدا وی دەمی گەنجاتی بوو و ئەزێ هزرا دكەم دێ زالگەه چەوانە و دێ چەوا بیت و دێ چ هەبیت یان نابیت، نەقیبەكێ هێزا تایبەت خەلكێ دهۆكێ بوو و دگۆتنێ(سەلیم زاوی) چوویە بەر دلوڤانیا خودێ و هاتە گەراجی ڤە و من سلاڤكرێ و من گۆتێ كاك سەلیم دێ چ كەی؟ گۆت دێ چمە دهۆكێ و ئەزێ بخوە هەڤالەكی دگەرم و ب ترۆمبێلا وی چوومە سنگی دا و ئەوی هاژووت و هەر زالگەهەكا ئەم دگەهینێ یێ سلاڤا لەشكری بۆ دكەن و هەتا گەهشتیمە باژێرێ دهۆكێ و دەمێ ئەم چووینە مال، وی دەمی داپیرا من وەكی دایك و بابێن من بوو و ل مالا مە سێ ئافرەت تێدا بوون، دیكا من خالەتا من و داپیرا من و برایەك ژ من بچوویكتر بوو، و من جانتێ خوە دانا و تشتەك خوار، و دووڤدا من گۆتێ ئەز دێ چم و گەلەك گۆتنە من نوە تو هاتی و ترۆمبێلەكێ سوار بووم و چوومە سیارەتیكا وی دەمی لقێ دهۆكێ ل وێرێ بوو و بەرپرسێ لقێ خودێ ژێ رازی (عەلی شنگالی) بوو، چوومە دەف و من گۆتێ ئەم قوتابی نە ژ بەغدا هاتینە و من گۆتێ كا دێ بیتە شەر یان نە وی گۆت ما تو ژ دل نەهاتی؟ من گۆتێ ژ بەغدا هاتیمە ڤێرە مانێ ژ دل هاتیمە و گۆتە من بمینە و ئەز مام بۆ شەر و ل گەل دو مرۆڤان ژ سیلاڤێ هەتا بلێ ب پیا چووم و ئەڤەكێ ل بالندا نڤستین و رۆژا دووڤ دا مە دا ڕێ هەتا ئەم گەهشتینە بلێ و دەمێ دبوو دەمێ مەغرەب ترۆمبێلێن لەندگروزەر هەبوون و ئەم ل سوار بووین و بەرەف دەشتا دیانا چووین و گەلیێ زووزك و هندرین دا دەرباز دبوو و چوو گلالە و شوفێرێ ترۆمبێلێ كەسەكێ شارەزا بوو و گلوپێن ترۆمبێلێ نەهەلكرن و هەتا ئەم گەهشتینە ناوپردان، ل وێرێ ئامرێ دوشكان ئێكێ زاویتەی بوو دگۆتنێ (عەلی زاویتەی) چوویەر بەردلوڤانیا خودێ و خودێ ژێ رازی بیت و مولازم بوو ژ لەشكریێ رەڤی بوو و قەستا ناڤ شۆرەشێ كر بوو و بەرپرسێ دوشكان بوو و شەرێ فرۆكان دكر و ئەز مامە ل دەف عەلی و هەڤالەكێ منێ كولیژێ (عبدولخالق رەشید) بوو ئەو ل نڤێسینگەها كاك ئدریس بارزانی بوو و دەرچوویێ زمانێ ئنگلیزیێ بوو و مفا ژێ دهاتە وەرگرتن وەك وەرگێر چونكە وی دەمی دەرچوویێن زمانێ ئنگلیزی كێم بوون و من پەیوەندی ل گەل هەبوو و هاتن و چوون و هەتا رۆژەكێ ل گەل چوومە وێ ژوورێ ڤە ئەوا ب رێكا هندەك مامۆستایێن ئاینی بزاڤا كوشتنا خودێ ژێ رازی (مەلا مستەفا بارزانی) هاتیەكرن ل حاجی عومەران و هێشتا وەكی خوە بوو و و دووف دا ئەم هاتینە دەف (جەرجیس فەتحوللا) وی رادیوەك هەبوو و گوهداریا هەمی كەنالا دكر و كا دێ كیش بەحسێ كوردان كەت و ئەوی راپورتا خوە چێ دكر بۆ جەنابێ (مەلا مستەفا بارزانی) دهاتە بلندكرن، هەتا تشتەكێ ب كەنی ژی ل وێرێ چ بوو و (جەرجیس فەتحوللا) گۆت من سوكەری یا هەی وی دەمی جارا ئێكێ بوو من گول ناڤێ سوكەریێ دبیت و گۆت دڤێت بەردەام بچمە دەست ئاڤێ و ئەڤجا شەل وال و دوخین و مرۆڤەكێ شارەزا بوو و خەلكێ مویسل بوو زمانێ عەرەبی زانی و كوردی نەدزانی و كەسەكێ زیرەك بوو، ئەڤجا بەحسێ شەل والێ خوە كر و گۆت نەشیام هەر دوخینێ بگرم و ڤەكەم و نەچار بووم من ب موسەكێ شەق كر و من شەلوالێ خوە هنارت بوو من بشون ئەو رابوون ئەو شەق دری و هەر من ڤەكرە ڤە و ئەوا هەر بوومن دری ڤە، من بخوە كلاشینكوفەك ژ وێرێ وەرگرت و زڤریم و ماوەكی ماین رێكەفتنا جەزائیرا یا سالا 1975ێ دروست بوو و مالێن مام و پسمامێن من وا هەمی هاتن و ئەم ژی ل گەل ئەوان زڤرین و ئەم ماینە ل دهۆكێ ژ هەیڤا ئادارا سالا 1975ێ هەتا هەیڤا ئیلۆنا هەمان سال و دامەزراندن دەركەفت وی دەمی جڤاتا خزمەتكرنێ هەبوو و ئەز چوومە بەغدا و ئەز هاتمە دامەزراندن وەك ماموستا بۆ پارێزگەها دهۆكێ و پەروەردا دهۆكێ ئێكسەر ڤەگوهاستمە ناڤنجی یا بامەرنێ ژ قوناغا ئێكێ هەتا سیێ ناڤنجی بوو، پشتی دو هەیڤان ژ دامەزراندنێ فەرمانا ڤەگوهاستنا من دەركەفت بۆ مانگێشكێ.
