دێ سەرەدانا دەمیرتاشی کەت
بەرپرسەکێ پارتا کۆماریا گەل کو نەخواستیە ناڤێ وی بهێتە ئاشکرا کرن بۆ کەنالێ خەبەر تورک دیار کریە، سەرۆکێ پارتا کۆماریا گەل کەمال کلچدار ئۆغلۆ دێ د نێزیکترین دەم دا سەرەدانا سەلاحەدین دەمیرتاشی کەت و ئەو یەک ژی وەکو پشتەڤانیە بۆ هندێ دا دەمیرتاش و هەڤالێن وی بهێنە ئازاد کرن.
ئەو یەک د دەمەکێ دایە کو بەری چەند رۆژان کەمال کلچدار ئۆغلۆ دیار کربوو ئەو پەشیمان نینە کو د دەمێ خوە دا پشتەڤانی ل هندێ کربوو پارێزبەندیا ل سەر دەمیرتاشی بهێتە راکرن و ژ بەر ڤێ یەکێ ژی سەرکردەیێن دەم پارتیێ ب توندی ئێرشی کلچدار ئۆغلۆی کربوون.
بەری چەند رۆژان ژی سڕی ساکیک ئەندامێ پەرلەمانێ تورکیا سەر ب فراکسیۆنا دەم پارتی دیار کربوو ئەو گەلەک پەشیمانن کو بەری نها ژ بۆ هەلبژارتنێن سەرۆک کۆماریا تورکیا پشتەڤانی ل کەمال کلچدار ئۆغلۆی کرینە و دڤێت سەرۆکێ پارتا کۆماریا گەل داخوازا لێبۆرینێ ژ دەم پارتیێ و دەمیرتاشی بکەت.
