شامێ نەڤێت ناکۆکیێن ل گەل لوبنانێ زێدەتر لێ بهێن
سەرۆکێ ئەمریکا راگەهاند شام دشێت ب جهێ ئسرائیلێ شەرێ حزبوللا لوبنانێ بکەت و شام دشێت زیانێن مەزن بگەهینتە حزبوللا لوبنانێ و سووریێ دشێت باشتر ژ ئسرائیلێ ئاریشا حزبوللا لوبنانێ چارەسەر بکەت.
ل هەمبەر داخویانیا ترامپی دوهی ئەحمەد شەرع سەرۆکێ سووریێ ژی راگەهاند کو وەلاتێ وی نەڤێت ئالۆزیێن ل گەل لوبنانێ توندتر لێ بکەت، سووریێ دڤێت ب ئاشتیانە ل گەل لوبنانێ و وەلاتێن دی بژیت و پرسێن هەی ژی چارەسەر بکەت، سووریێ نەڤێت پەیوەندیێن خوە ل گەل چو وەلاتێن جیران تێک بدەت.
سەرۆکێ سووریێ ئەو یەک ژی دیار کر، هەر ئالۆزیەک د ناڤبەرا سووریێ و وەلاتەک دی دا دروست ببیت دێ زیانێن خوە یێن گەلەک مەزن بۆ پاشەرۆژا سووریێ هەبن و د رەوشەکا وەسا ئالۆز دا سووریێ نەڤێت پەیوەندیێن خوە ل گەل لوبنانێ و چو وەلاتێن دی تێک بدەت و سیاسەتا سووریێ ئارامی و ئاشتی یە.
