ل چەندین دەڤەرێن پارێزگەها دهۆكێ پارچەیێن ئەردی دێ هێنە بەلاڤكرن
دهۆك، دلۆڤان ئاكرەیی:
رێڤەبەرێ گشتی یێ باژێڕڤانیان ل پارێزگەها دهۆكێ دیاركر، نێزیكی 15 رۆژێن بهێن پارچەیێن ئەردی ل ناوچەداریێن سنۆرێ باژێڕڤانیێن كەلەكچی، ڕۆڤیا، دارەتوو، مسێرێكێ دێ هێنە بەلاڤكرن.
دیار بەحری، رێڤەبەرێ گشتی یێ باژێڕڤانیان ل پارێزگەها دهۆكێ بۆ رۆژنامەیا ئەڤرۆ گۆت: «ل سنۆرێ هەر سێ باژێڕڤانیێن كەلەكچی، ڕۆڤیا و دارەتوو، نێزیكی دو هزار و 500 پارچەیێن ئەردی دێ هێنە بەلاڤكرن و كارێن كارگێڕی یێن پێدڤی بەرەڤ دوماهیێ دچن و د ماوێ كێمتر ژ دو حەفتیان دا دێ پرۆسەیا بەلاڤكرنێ دەست پێ كەت».
گۆت ژی: «ل ناوچەداریا مسێرێكێ ژی ئامادەكاری دهێنە كرن و ل گەل دوماهی هاتنا كارێن كارگێری دێ ل وێ دەڤەرێ ژی هێنە بەلاڤكرن، ئەڤ پرۆسە دێ یا بەردەوام بیت، هەتا هەموو فەرمانبەرێن مافێ وەرگرتنا پارچەیێن ئەردی هەی ژێ مفادار بن».
