ئاڕێشەیا پشكا چاڤدێریا چڕ ل نەخوەشخانەیا زاخۆ هاتە چارەسەركـرن
زاخۆ، دلۆڤان هالۆ:
ئەمیر عەلی، بەرپرسێ ڕاگەهاندنا ڕیڤەبەریا گشتی یا ساخلەمیا زاخۆ بۆ ڕۆژناما ئەڤرۆ دیاركر كو دوهی 5/7/2026 ب ئامادەبوونا مشیر محەمەد، دەڤەردارێ زاخۆ، د. سیروان ئەحمەد، ڕێڤەبەرێ گشتی یێ ساخلەمیا زاخۆ و د. جمعە عەبدولڕەحمان، ڕێڤەبەرێ نەخوەشخانا زاخۆ یا گشتی یا فێركرنێ، ئاڕێشەیا پشكا چاڤدێریا چڕ یا نەخوەشخانەیا زاخۆ یا گشتی یا فێركرنێ هاتە چارەسەركرن و جارەكا دی هاتە ڤەكرن.
بەرپرسێ ڕاگەهاندنا ڕێڤەبەریا گشتی یا ساخلەمیا زاخۆ گۆت: « ئاڕێشەیا پشكا چاڤدێریا چڕ ب پشتەڤانیا ڕاستەوخوە یا ئیدارەیا سەربخوە یا زاخۆ و دەڤەردارێ زاخۆ و وەزیرێ ساخلەمیا حكومەتا هەرێما كوردستانێ هاتە چارەسەركرن».
گۆت ژی: «ئەو كاروبارێن گرێدایی ب تافیلكرنا پشكا چاڤدێریا چڕ ڤە ژی ب دووماهی هاتینە و دووبارە كەفتە د خزمەتا وەلاتیێن دەڤەرێ دا».
