هەڤڕکیا د ناڤبەرا ئسرائیلێ و تورکیا دا دژوارتر دبیت
کۆڤارەکا بریتانی دیار دکەت، پشتی راگرتنا شەرێ د ناڤبەرا ئیرانێ ل گەل ئەمریکا و ئسرائیلێ دا نها هەڤڕکیەکا دژوار ل دەڤەرێ هەیە و ئەو یەک هەڤڕکیا د ناڤبەرا تورکیا و ئسرائیلێ یە، بەرپرسێن ئسرائیلێ وەسا دبینن تورکیا وەکو ئیرانێ یێ کار بۆ نەمانا ئسرائیلێ دکەت و ئەو ژی ب هەموو رەنگەکێ کار بۆ بهێزکرنا پێگەهێ خوە دکەن.
کۆڤارا ئیکۆنۆمیست ئەو یەک ژی دیار کریە، بەری چەند رۆژان سەرۆک وەزیرێن ئسرائیلێ ب فەرمی داخواز ژ ترامپی کریە کو نابیت ب چو رەنگەکێ ئەمریکا فرۆکەیێن مودێرن یێن شەڕێ بدەتە تورکیا و هەروەسا تورکیا ژی دڤێت ئسرائیل هێزێن خوە ژ باشورێ سووریێ ڤەکێشیت و نها ئەردۆغان گەلەک ژ بزاڤێن ئسرائیلێ یێن بۆ دروستکرنا هەڤپەیمانیەکێ ل دەڤەرێ دترسیت ب تایبەتی ژی پەیوەندیێن ئسرائیلێ ل گەل یونانێ و قوبرسێ بووینە جهێ دلگرانیا تورکیا.
