پەردە ل سەر وێنەیێ دو شەهیدێن قارەمان ل باتیفا هاتە لادان
زاخۆ، دلۆڤان هالۆ:
د. نازدار عارف، بەرپرسا پشكا ڕەوشەنبیری و پێگەهاندن و ڕاگەهاندنا لقێ هەشت یێ پارتی ل زاخۆ بۆ ڕۆژناما ئەڤرۆ دیاركر كو ب ئامادەبوونا عومەر ئۆرەیی، بەرپرسێ لقێ هەشت یێ پارتی ل زاخۆ، نوونەرێن دام و دەزگەهێن حزبی و حكومی و كەسایەتیێن ناڤدار و پلەدارێن لەشكری و مالباتێن سەربلندێن شەهیدان، ب هەڤكاری ل گەل لیژنا ناوچا باتیفا، د ڕێورەسمەكێ تایبەت دا پەردە ل سەر وێنەیێ هەردو شەهیدێن قارەمان یێن دەڤەرا باتیفا (دكتۆر ئەحمەد حەجی حسێن و عەبدولڕەحمان حەجی حسێن) هاتە لادان.
عومەر ئۆرەیی، بەرپرسێ لقێ هەش یێ پارتی د گۆتارەكێ دا گۆت:»ئەڤ قارەمانە ناسنامەیا شەڕەف و قوربانیدانا مەنە، لادانا پەردێ ل سەر وێنێن ڤان هەردو قارەمانان نووكرنا پەیمانا ئەمەكداریێ یە بۆ ڕێبازا بارزانیێ نەمر، ئەم وەكو لقێ هەشت یێ پارتی بەردەوام خوە ب خزمەتكار و قەردارێ مالباتێن شەهیدان دزانین».
چیا ئەحمەد حەجی حسێن، كوڕێ شەهیدی پەیڤا مالباتێن شەهیدان پێشكێش و سوپاسییا خەمخۆریا سەركردایەتیا پارتی و بەرپرسێ لقێ هەشت كر.
