پارێزگارێ دهۆكێ ژ نێزیكڤە گوهداریا داخوازیێن كلدان و سریان و ئاشوورییان كـر
د. عەلی تەتەر، پارێزگارێ دهۆكێ دوهی 6/7/2026 ل بەرامبەر ئاڤاهییێ پارێزگەهێ ژ نێزیك گۆهداری ل یاداشتنامەیا خرڤەبوویێن خوشك و برایێن كلدانی و سریانی و ئاشووری ل دۆر چەند ئاڕێشەیێن لسەر زەڤی و ئەردێن وان كر و ل گەل نوونەرێن وان كۆمبوو.
پشتی پەیاما خرڤەبوویان هاتیە خواندن، پارێزگارێ دهۆكێ د كۆنگرەكێ ڕۆژنامەڤانی دا دیاركر كو ئاڕێشەیێن وان ئەردان بۆ سەردرمێ داگیركرنا حكومەتا بەعس ڤەدگەڕن و پەیوەندی ب پێكهاتەیەكێ ل گەل پێكاهاتەیەكا دی نینن، بەلكو خەلكێ دەڤەرێ بخۆ ئەو جهـ پاراستینە و ب ڕاسپاردێن جەنابێ «سەرۆك بارزانی» و «مەسرور بارزانی» سەرۆكێ حكومەتا هەرێما كوردستانێ و ل دووڤ یاسایێن پەڕلەمانی دۆپاتییێ لسەر پاراستنا ئاسایشا جڤاكی و نەهێلانا هەر دەستدرێژیەكێ لسەر مال و مۆلكێ هەر تەخەكا جڤاكی و گشتی، ب تایبەتی پێكهاتەیان دكەین.
