كۆڕبەندەكێ مەزن یێ ئابووری ئەڤ سالە ل هەرێمێ دێ هێتە ئەنجامدان
دهۆك، دلۆڤان ئاكرەیی:
سەرۆكێ دەستەیا وەبەرهێنانێ ل هەرێما كوردستانێ دیاركر، نێزیكی 80 كۆمپانیێن مەزن یێن ئیسپانی بۆ كارێ وەبەرهێنانێ دێ هێنە هەرێمێ و دبێژیت: بڕیارە د مەها 11 یا ئەڤ سالە دا، كۆڕبەندەكێ مەزن یێ ئابووری یێ هەڤپشك ل هەرێمێ بهێتە ئەنجامدان.
د. مەحەمەد شوكری، سەرۆكێ دەستەیا وەبەرهێنانا هەرێما كوردستانێ بۆ رۆژنامەیا ئەڤرۆ گۆت: «ئەم ل گەل یانەیا وەرزشی یا خیتافی مژوولی ڕێككەفتنەكا گرنگین، داكو بهێتە ئیمزاكرن، ئەگەر ئەڤ پڕۆژەیە سەر بگریت، دێ خزمەتەكا مەزن پێشكێشی كەرتێ وەرزشێ ل هەرێما كوردستانێ كەت، دیسا مە ڕێككەفتنەك ل گەل هەرێما كاستێلۆن كرییە بۆ هەماهەنگییا ئابووری، بازرگانی و خواندنێ، كو ئەڤ چەندە ژی دێ مفایەكێ مەزن بۆ هەرێما مە هەبیت».
گۆت ژی: «سەنتەرێ كوردی – ئیسپانی یێ بازرگانیێ دێ ئاسانكاریێن گەلەك باش بۆ بازرگانان و پرۆسێسا ئینان و هنارتنێ كەت و د پاشەڕۆژەكا نێزیك دا دێ بەرهەمێ سەرەدانا شاندێ هەرێمێ بۆ ئیسپانیا پتر دیار بن».
