خرابیا رێكا هاڤینگەها گوندێ بیاوێ كارتێكرن ل رێژەیا گەشتیاران كریە
ئامێدیێ، مەحمود نهێلی
ژ بەر خرابیا رێكا هاڤینگەها بیاوێ ل سنورێ ناوچەداریا دێرەلۆك رێژا هاتنا گەشتیاران ل وێ دەڤەرێ كێم كریە، گەشتیار و خودانێن جهێن گەشتیاری ژی داخواز دكەن، جادەیا وێ دەڤەرێ بهێتە چێكرن.
قاسم عوبەید ئێك ژ وان گەشتیاران بوویە یێن سەرەدانا ڤێ هاڤینگەهێ دكەت بۆ رۆژناما ئەڤرۆ دیار كر، ئەو بەردەوام سەرەدانا ڤێ هاڤینگەهێ دكەن و گۆت: ئەڤ هاڤینگەهە ئێك ژ هاڤینگەهێن گەلەك خوەشە ل دەڤەرێ و رۆژانە خەلكەكێ زۆر قەست دكەنێ، لێ مخابن رێكا ڤێ هاڤینگەهێ گەلەكا بێ سەروبەرە و داخواز دكەت، ئەو رێ بهێتە چێكرن، بۆ وێ یەكێ گەشتیار ب ساناهی سەرەدانا وێ دەڤەرێ بكەن.
نەوزاد موحەمەد خودانێ ئێك ژ جهێن گەشتیاریە ل بیاوێ دیار كر، ئەوان مەزاختنەكا زۆر ل جهێ خوە یێ گەشتیاری كریە و ب رەنگەكێ گەلەك جوان چێكریە بو وێ یەكێ گەشتیار قەست بكەنێ و گۆت: رۆژانە هەژمارەكا زۆرا خەلكی قەستا جهێن مە دكەن، لێ گازندا هەموویان ئەوە رێكا وان یا بێ سەروبەر و خرابە و داخواز كر، ئەو رێیا هاڤینگەه و جهێن وان یێن گەشتیار بهێتە چێكرن.
عومەر هاریكی كەسەكی دی یێ خودانێن جهێن گەشتیاری یە گۆت: ڤێرێ دەڤەرەكا گرنگە بۆ جهێن گەشتیاری رۆژانە گەشتیارێن ناڤخوە و یێن عیراقێ ژی سەرەدانا جهێ مە دكەن و دیار كر: كو داخازا سەرەكی یا وان چێكرنا جادێ و گەهاندنا كارەبێ یە بو جهێ وان .
هەلبژێرێ گوندێ بیاوێ بۆ رۆژناما ئەڤرۆ دیاركر، ئەوان گەلەك جاران بزاڤ كرینە و داخوازا خوە گەهاندیا ناوچەداریێ و تا پارێزگەهێ ژی، لێ تا نوكە رازیبوون ل سەر نەهاتیە كرن و گۆت: زێدەباری ئەڤە جهەكی گەشتیاری یە، ژیانا هەژمارەكا زۆرا جوتیاران ژی ل سەر چەمێن ڤی گوندی یە و گۆت: ئەڤە گوندەكی ئاڤەدانە و یێ خراب.
رێبەر سادق رێڤەبەرێ ناحیا دێرەلۆك بۆ رۆژناما ئەڤرۆ دیاركر، كر، ڤەدیتن بۆ رێیا گوندێ بیاوێ كو دكەڤیتە سنورێ ناوچەداریا دێرەلۆكێ كرن و هاتیە بلندكرن كو ببیتە پلان دگەل پرۆژێن سالانە ل دەڤەرێ دهێنە چێكرن.
