ب گوژمێ پتر ژ چار ملیار دیناران جادەیێن ناڤخوەیی ل زاخـۆ دێ هێنە قێركرن

زاخۆ، دلۆڤان هالۆ:

یونس محەمەد، سەرۆكێ باژێڕڤانیا ئیدارەیا سەربخوە یا زاخۆ بۆ ڕۆژناما ئەڤرۆ دیاركر كو ب درێژاهیا 12 هزار و 500 كیلۆمەتران و ب گوژمێ چار ملیار و 200 ملیۆن دیناران، جاددە و كۆلانێن تاخێ بارزان ل ئیدارەیا سەربخوە یا زاخۆ دێ هێنە چێكرن و قێركرن.
سەرۆكێ باژێڕڤانیا زاخۆ گۆت: «زێدەباری چێكرن و قێركرنا جاددە و كۆلانان، مە ژێرخانەیەكا بهێز یا سۆلینێن ئاڤڕێژ بۆ هەموو جاددە و كۆلانێن تاخێ بارزان دابینكریە، كو ب درێژاهیا شەش كیلۆمەتران سۆلینێن ئاڤڕێژ لێ دهێنە دروستكرن».
گۆت ژی: «د ڤی پڕۆژەیی دا كاركرن ل سەر چار قووناغان هاتیە بەلاڤكرن، سێ قووناغ ب دووماهی هاتینە و د نوكە دا كار د قووناغا چارێ دا دهێتە كرن، ل دەمەكێ نێزیك دێ كەڤیتە د خزمەتا وەلاتیێن دەڤەرێ دا، ئەڤ كارێ ئەم وەكو باژێڕڤانیا زاخۆ بەردەوام بۆ خەلكێ خوە ئەنجام ددەین، ئەركێ مەیە و نە مننەتە».

کۆمێنتا تە