نەخۆشیەكا ڤایرۆسی تووشـی هژیرێن دەڤەرێ بوویە
ئامێدیێ، مەحمود نهێلی:
ئەندازیار ستار خۆرشید، بەرپرسێ شیرەتكاریا چاندنێ ل دێرەلۆكێ بۆ ئەڤرۆ دیار كر، نەخۆشیەكا ڤایرۆسی تووشی هژیرێن دەڤەرێ بوویە و دبێژیت: ئەڤ سالە ئەڤە نەخۆشیە دێ كارتێكرنێ ل سەر بەرهەمێ هژیران دەڤەرێ هەبیت.
ناڤهاتی گۆت: «د پشكنینێن مە یێن مەیدانی دا ل گوندێ هاریك شێخا بۆ مە دیار بوویەن كو نیشانێن ڤایرۆسی ل سەر بیستانێن هژیران ب ئاشكرایی دەركەفتینە، ئەڤ چەندە ژی دبیتە ئەگەرێ كێمبوونا بەرهەمی و لاوازبوونا دارێن هژیران».
گۆت ژی: «ئەڤ نەخۆشیە پێدڤی ب ڕێكارێن توند یێن تەكنیكی و چاڤدێریا بەردەوام هەیە، دیسا مە د كۆمبوونێن خوە دا ل گەل جۆتیاران، شیرەت ل وان كریە كو پێدڤیە ب زووترین دەم ڕێكارێن پێدڤی بۆ كۆنترۆلكرنا ڤان نیشانان بهێنە وەرگرتن، داكو نەخۆشی بۆ بیستانێن دی نەهێتە ڤەگوهاستن و بەرهەمێ ئەڤ سالە یێ هژیریان بهێتە پاراستن».
