لێگەڕیان ل تەرمێ وی گەنجێ ل شێلادزێ خەندقـی بەردەوامـە
ئامێدیێ، مەحمود نهێلی:
گەنجەكێ سەنتەرێ باژێرێ دهۆكێ، كو ب مەرەما سەیرانێ لسەر رووبارێ شین بوو، ل گەل سێ هەڤالێن خوە ل دەمێ مەلەڤانیكرنێ بن ئاڤ دبیت و بێ سەروشوون دبیت و هەتا نوكە تەرمێ وی نەهاتیە دیتن.
ل دووڤ ئاخڤتنا ئێك ژ وان كەسێن ل گەل، بۆ ئەڤرۆ دیار كر، ئەو ب مەرەما گەڕیان و گەشتێ و سەیرانێ ل دهۆكێ هات بوونە سەر رووبارێ شین ل شێلادزێ و گۆت: «مە ل سەر چووپی خوە د رووباری دا بەردا خوارێ، دەمێ گەهشتینە پڕۆژەیێ ئاڤێ چووپێ مە وەرگەڕیا و ئەم كەفتینە د رووباری دا و نقووم بووین».
گۆت ژی: «ئەز ژ لایێ وەلاتییەكی ڤە هاتمە رزگاركرن، هەڤالێ مە یێ دی ژی خوە رزگاركریە، مخابن هەڤالێ مە محەمەد سەفەر بن ئاڤ دبیت و بەرزە دبیت».
ل دووڤ زانیارییان، چەندین كەسان ئەو گەنجێ خەندقی دیتیە، كو تەرمێ وی ژ پرا كۆنكرێتی یا د ناڤبەرا بالندا و كەمپا سیریێ بۆری یە، لەوا تیمێن لێ گەڕیانێ یێن بەرگری شارستانییا شێلادزێ و دێرەلۆكێ و خەلكێ دەڤەرێ ب درێژاهیا شەش كیلمەتران لسەر رەخێن ئاڤێ نە ب مەرەما لێ گەڕیانێ ل تەرمێ وی.
