بۆ من جهێ شانازیێ یە جارەکا دی ئاهەنگان ل کوردستانێ بگێڕم
ئەڤرۆ، شێرزاد نایف:
هونهرمهندێ ئیراقی یێ بهرنیاس موههند موحسن، یێ كو ناڤودهنگیهكا مهزن ل سهرانسهری ئیراقێ و گهلهك وهلاتێن دهوربهر ههی، وهكو ستێرهكا گهش ل سالێن نۆتان هاتبوو نیاسین، ئهوی و چهند هونهرمهندێن دیتر مینا حاتم ئهلعیراقی، ههیسهم یۆسف، حهبیب عهلی و سهلاح ئهلبهحر.. هتد, وهكو شۆرشهكێ د بیاڤێ سترانا ئیراقی دا ئهنجامدابوو. موههند د دیدارهكا وهتساپی دا بۆ رۆژنامهیا ئهڤرۆ دیاركر ئهو گهلهك یێ كهیفخۆشه ب وێ پێشكهفتن و ئاڤهدانیا یا كو ههرێما كوردستانێ ب خوەڤه گرتی و شانازیێ ب حوكمهتا ههرێما كوردستانێ دبهت ژ بۆ ئهوێ پلانا وێ یا دورست، كو ئهڤه ژی نیشانا وێ ئێكێ یه ئهو كهسێن ههژی ل جهـ و پلهیێن ههژی هاتینه دانان.
موههند موحسن بۆ ئهڤرۆ دبێژیت بۆ من جهێ شانازیێ یه ژی كو حهز ژێكهرێن دهنگی من و جهماوهرێ من ل باژێرێ دهۆكێ و ب تایبهت یێن هێشتا ل سالێن نۆتان و ههتا نها ئهوان وێنه و پۆستهرێن من ل جهێن گشتی دههلاویستن و جاران ب رهخ وێنه و پۆستهرێن سهركردهیێن كورد ڤه ژی دهاته ههلاویستن، ئهڤه بۆ من شانازی یه و دبێژیت كو ئهڤێ چهندێ ژبیر ناكهت و دیسا ژی دبێژیت ئهز شانازیێ ب كوردستانێ دبهم. ههر دیسا ژی نیازا دلێ خوە بۆ ئهڤرۆ دیار كر و گۆت كو ئهوی ل بهره ل ههولێرا پایتهختێ ههرێما كوردستانا ئاکنجی ببیت.
موههندی بهرییا نها سهرهدانا ههرێما كوردستانێ كریه و دیسا ژی دبێژیت كو ئهو شانازیێ دكهت جارهكا دی ژی بهێته داخوازكرن كو ئاههنگان ل كوردستانێ ههمیێ بگێڕیت و تایبهت ژی ل پارێزگهها دهۆكێ، ههژی گۆتنێ یه كو بهرییا نها ل هندهك باژێرێن كوردستانێ ژی ئاههنگ گێراینه. ل دووماهیێ ژی سوپاسیێن خۆ ئاراستهی ههمی ستاف و كادرێ رۆژنامهیا ئهڤرۆ دكهت و سۆزێ ددهت كو ئهو و جهماوهرێ خوە ل دهۆكێ ههڤدو ببینن.
