پەیڤدارێ حوكمەتا هەرێمێ: سەرۆكێ حوكمەتێ ل سەر هێلە بۆ چارەسەركرنا پرسا بهایێ پانزینێ
دهۆك، دلۆڤان ئاكرەیی:
پەیڤدارێ حوكمەتا هەرێما كوردستانێ دیاركر، رێ ناهێتەدان بهایێ پانزینێ ب ڤی شێوەی ب گران بمینیت و سەرۆكوەزیرێن هەرێمێ ژی دووپاتیێ ل سەر چارەسەركرنا ڤێ كێشەیێ دكەت.
پێشەوا هەورامانی، پەیڤدارێ حوكمەتا هەرێما كوردستانێ بۆ رۆژنامەیا ئەڤرۆ گۆت: «ئەم پشتڕاستیێ ددەینە وەلاتیان، مەسرور بارزانی، سەرۆكوەزیرێن هەرێما كوردستانێ لسەر ڤێ كێشەیێ یێ رژدە و پشتڕاستیێ ل چارەسەركرنا وێ ددت و دێ چارەسەریەكا باش بۆ بینین، مە گوهداریا خودانێن پانزینخانەیان كریە و مە نەڤێت ئەم غەدرێ ل چو كەسەكی بكەین، چونكی بۆ مە بەرژەوەندیا وەلاتیان ل بەراهیا هەموو تشتانە و پێدڤی یە بازڕگان و خودانێن پانزینخانەیان ژی ل پێناڤی بەرژەوەندیا گشتی، هەتا رادەیەكی مفایێ خۆ كێم بكەن و حكومەت ژی ل بەرامبەر دێ هەمی ئاسانكاریان بۆ وان كەت».
