نەبرنا چەکی بۆ مال دێ تاوانێن جڤاکی کێم کەت
قائید میرۆ:
پهیڤدارێ پۆلیسێن ههرێما كوردستانێ دیار کر کو، پشتی جێبهجێكرنا قانوونا چهكی ههتا رادهیهكێ باش دیاردهیا ههلگرتنا چهكی و ئهنجامدانا تاوانێن كوشتنێ كێم بوویه و گۆت؛ پتریا كهسێن بشێوهیێ ئونلاین بازاڕێ چهكی دكر هاتینه دهستهسهركرن و نابیت پشتی دهوامێ هێزێن پێشمهرگه و پۆلیس و ئاسایش چهكی ببنه مال.
عهقید كارزان ئهمیر، پهیڤدارێ پۆلیسێن ههرێما كوردستانێ د دیدارەکێ دا بۆ رۆژنامەیا ئهڤرۆ دیار كر، ل گورهی قانوونا چهكی یا هژمار 2 یا سالا 2022ێ ، دیاردهیا ههلگرتنا چهكی و تهقهكرن و كوشتنا وهلاتیان زۆر كێم بوویه و گۆت؛ چونكه پشتی جێبهجێكرنا ئهڤێ قانوونێ نوكه وهلاتی كێمتر چهكی ههلدگرن و ههتا رادهیهكی دوور كهفتینە ژ چهكی.
عەقیدی دا زانین، ل گورهی زانیاریێن رێڤهبهراتیا گشتیا پۆلیسێن ههرێما كوردستانێ هژمارا كهسێن چهكی ههلدگرن بشێوهیهكێ بهرچاڤ کێم بۆیە، ژبهركو لگورهی قانوونێ كهسێن چهكی ههلدگرن ئهگهر بهێنه دهستهسهركرن یان ههر تاوانهكێ ئهنجام بدهن دێ هێنه سزادان و گۆت؛ ههتا پشتی دهركهفتنا ئهڤێ قانوونێ بازاڕێ چهكی ژی نهمایه و كڕین و فرۆتنا چهكی كێم بوویه.
عەقید کارزان دیار کر ژی، پشتی دهستپێكرنا ههوا دهستهسهركرنا بازرگانێن چهكی ب رێیا تۆڕێن جڤاكی و سۆشیال میدیایێ زۆربهیا وانا هاتینه دهستهسهركرن و بازاڕێ ئونلاین یێ چهكی لاوازبوویه و گۆت؛ ههروهسا جهێن كڕین و فرۆتنا چهكی هاتینه گرتن ژلایێ هێزێن ئهمنی و رێیێ نادهین بڤی شێوهیێ وهكی بهرێ كڕین و فرۆتنا چهكی ههبیت ل ههرێما كوردستانێ.
عەقی کارزان د بەردەوامیا ئاخفتنێن خۆدا دیار کر، بهلێ گورهی قانوونێ مۆلهت ب هندهك كهسان دهێتهدان بۆ ههلگرتنا چهكی و ههتا نوكه 17 هزار كهسان مۆلهت ههیه بۆ ههلگرتن یان ههبوونا چهكی بۆڤێ چهندێ ژی چەندین مەرج ههنه و گۆت؛ پێدڤیه كهسهكێ دیار بیت و ئهگهرێن قانوونی ههبن بۆ ههلگرتنا چهكی، بتایبهتی تهمهنێ وی كهسێ داخوازا مۆلهتا چهكی دكهت یێ یاسایی بیت.
عهقید كارزان ئهمیر دیار کر کو پلان ههیه ئهندامێن هێزێن ئهمنی و پۆلیس و پێشمهرگه پشتی تهمام بوونا دهوامێ چهكی ل جهێ دهوامێ بهێلن دگهل خۆ نهبهنە مال، هندهك ژ وان یهكهیان جهێ تایبهت بۆ ههلگرتنا چهكی چێكریه و دهمێ ئهندامێن وان هێزان ڤهدگهڕنە مال دێ چهكێ خۆ داننە كۆگهها تایبهت ب ههلگرتنا چهكی.
پهیڤدارێ پۆلیسێن ههرێما كوردستانێ دیار کر، دهمهكێ نێزیك دێ جهێ ههلگرتنا چهكی بۆ ههموو دهزگههان هێته چێكرن، ئانکو پێشمهرگه و ئاسایش و پۆلیس چهكی دگهل خۆ ناگێڕن و نابنه مال پشتی دهوامێ و گۆت؛ ههتا برنا چهكی بۆ مال پشتی تهمام بوونا ئهركێ فهرمی دێ هێته قهدهغه كرن، تنێ ئهفسهر دشێن چهكی دگهل خۆ ببەنه مال، بهرۆڤاژی ئهندامێن دی یێن ئهڤان هێزێن چهكدار نابیت ب چو شێوهیهكی چهكی ببەنه مال.
