وەزارەتا سامانێن سروشتی پێنج بڕیار بۆ چارەسەركرنا ئاڕێشەیا پانزینـێ دەركـرن
زنار تۆڤی:
وەزارەتا سامانێن سروشتی یا حكومەتا هەرێما كوردستانێ، ب مەرەما ب دووماهی ئینان ب ئاڕێشەیا كێمیا پانزینێ و پێداچوونكرن ب بهایان، پێنج بڕیارێن نوو دەركرن، ژ وان ژی: زێدەكرنا پشكا پانزینا 750 دیناری و ئاسانكاری كرن بۆ ئینانا سووتەمەنیێ.
كەمال محەمەد سالح، وەزیرێ سامانێن سروشتی ب وەكالەت، دوهی 28/7/2026 سەرپەرشتیا كۆمبوونەكا تایبەت ب بهایێ پانزینێ ڤە كر، ئارمانجا كۆمبوونێ دابینكرنا پانزینێ، پێداچوونكرن ب بهایان و ڤەدیتنا چارەسەریێبوو، بۆ ئاڕێشەیا كێمیا پانزینێ.
د كۆمبوونێ دا پێنج بڕیارێن گرنگ هاتنە دان، ئەو ژی: وەزارەتا سامانێن سروشتی هەمی بزاڤان دكەت بۆ زێدەكرنا پشكا حكومەتا هەرێمێ ژ نەفتا خاڤ ژ لایێ حكومەتا فیدرالی ڤە.
زێدەكرنا رێژەیا پانزینا نۆرمالا پالپشتیكری یا حكومی ب بهایێ 750 دیناران بۆ هەر لێترەكێ، ب هەماهەنگی ل گەل هەموو پارێزگەهـ و ئیدارێن سەربخۆ.
چاڤدێركرنا ڕۆژانە یا پانزینا بازرگانی بۆ جۆرێن (نۆرمال، محەسەن و سۆپەر) ژ لایێ كوالێتیێ و گونجانا وێ ل گەل ڕەوشا ڕۆژانە یا بازاڕێ نوكە یێ هەرێما كوردستانێ.
بەرفرەهكرنا كار و چالاكیێن لژنێن چاڤدێری و دووڤچوونێ یێن ڕێڤەبەرییا نەفت و كانزایان ل پارێزگەهـ و ئیدارێن سەربخۆ بۆ پاراستنا كوالێتییا جۆرێن پانزینێ.
پێشكێشكرنا هەموو ئاسانكارییان بۆ ئینانا پانزینێ و ماددێن كیمیایی، ل دووڤ مەرج و ڕێنومایێن وەزارەتا سامانێن سروشتی.
