مەكتەبا ڕێكخستنا پارتـی ڕێز ل مامۆستایێن ئێكەم یێن پارێزگەها دهۆكێ گرت
مەكتەبا ڕێكخستنا پارتی دیموكراتی كوردستان ل پارێزگەها دهۆكێ دوهی 29/7/2026 د ڕێوڕەسمەكی دا ڕێز ل مامۆستایێن ئێكەم یێن سەر ئاستی هەرێما كوردستانێ، یێن ل سنۆرێ پەروەردەیا پارێزگەها دهۆكێ گرت.
سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا ڕێكخستنا پارتی ل پارێزگەها دهۆكێ د ڕێوڕەسمان دا، گۆتارەك پێشكێشكر و گۆت: «ئەڤ سالە وە سەرێ مە هەمیان بلندكر، پەروەردە بنیاتێ گەشەكرن و گوهۆڕینێ یە، د هەمی قووناغان دا مە بزاڤ كریە پرۆسێسا پەروەردەیێ یا بەردەوام بیت و گەشەیێ بكەت».
ناڤهاتی گۆت ژی: «ئەڤ چالاكیە وەكو وەفاداری و رێزلێنانە بۆ ئەرك و وەستیان و بەردەوامیا مامۆستایان د پێگەهاندنا بەرەبابێ نوو و گەشەپێدانا كەرتێ پەروەردەیێ دا ل هەرێما كوردستانێ».
