١٢ سالیا جینۆسایدا ئێزدیان ل زاخۆ هاتە ساخكرن
زاخۆ، دلۆڤان هالۆ:
ب ئامادەبوونا نازم هەركی، بەرپرسێ لقێ 17 یێ پارتی ل شنگالێ، قاسم عەونی، ڕێڤەبەرێ كۆچ و كۆچبەران و بەرسڤدانا قەیرانان ل ئیدارەیا سەربخوە یا زاخۆ، مەحموود ئێزدی، نوونەرێ مەكتەبا ڕێكخستنا پارێزگەها نەینەوا، پەرلەمانتار مەحما خەلیل و چەندین بەرپرس و ئاوارەیێن شنگالێ، دوهی 1/8/2026 بیرەوەریا 12 سالیا جینۆسایدا شنگالێ ل مالا دایكا شەمێ دێرویی ل كەمپا چەمشكۆ ل ئیدارەیا سەربخوە یا زاخۆ هاتە ساخكرن.
ئەڤ ڕێوڕەسمێ بیرئینانێ ژ لایێ گرۆپێ هیڤی و بنگەهێ لالشێ تایێ شنگالێ ب هەڤكاری ل گەل لقێ 17 یێ پارتی و بنەمالا دایكا شەهیدان، دایێ شەمێ هاتبوو ڕێكخستن.
وەكو دیار ل سالا 2014 ڕێكخراوا تیرۆریستی یا داعشێ هێرش كرە سەر دەڤەرداریا شنگالێ و دەوروبەرێن وێ، ئێزدی تووشی كارەساتەكا مەزن بوون، د ڤێ كارەساتێ دا ب هزاران كەس ژ بچووك و ژن و زەلامان بوونە قوربانی، زێدەباری ب هزاران كەس بریندار بوون و وەكو ئێخسیر كەفتنە دەستێن تیرۆریستێن داعشێ دا.
