ل ڤێ حەفتیێ پانزین ب رێیا كۆبوونـێ ل دهۆكێ دێ هێتە بەلاڤكرن
دهۆك، دلۆڤان ئاكرەیی:
وەزیرێ سامانێن سروشتی ل هەرێمێ دیاركر، ئەو پێشبینی دكەن ل ڤێ حەفتیێ پانزین ل پارێزگەها دهۆكێ ب رێیا كۆبوونێ بهێتە بەلاڤكرن.
كەمال مەحەمەد، وەزیرێ سامانێن سروشتی ل حكومەتا هەرێما كوردستانێ بۆ رۆژنامەیا ئەڤرۆ گۆت: «د نوكە دا نێزیكی ملیۆنەك و 705 هزار لترێن پانزینێ ل هەرێمێ دهێنە بەرهەمئینان، ئەڤ بڕە لسەر پارێزگەه و ئیدارەیێن سەربخۆ ل هەرێما كوردستانێ دهێتە بەلاڤكرن و پرۆسە بەردەوامە».
گۆت ژی: «هەماهەنگییەكا باش د ناڤبەرا رێڤەبەریێن نەفت و كانزایان و ئالیێن ئیداریی دا هەیە، داكو پانزین ب دادپەروەری بگەهیتە دەستێ شۆفێران، دیسا بڕیار هاتیەدان ل ڤێ حەفتیێ ل پارێزگەها دهۆكێ هەڤ شێوەیێ پارێزگەها هەولێرێ پانزین ب رێیا كۆبوونێ بهێتە بەلاڤكرن».
