كارهساتا شنگالێ كاریگهریێن نهرێنی ل سهر ژنێن ئێزدی چێكرینه
هەولێر، قائید میرۆ:
سهرۆكا بهرێ یا جڤاتا بلندا كارۆبارێن خانمان ئاشكرا كر، كارهساتا شنگالێ کو بسهرێ كوردێن ئێزدی هاتی چهندین كاریگهریێن نهرێنی و جڤاكی پهیداكرینه و گۆت: ژن قوربانیا ئێكێ بوویه و نوكه چارهنڤیسێ هندهك زارۆكان ئێكلا نهبوویه و بێناسنامه ماینه، ژبهركو بابێ وان چهكدارێن داعشن و چو ئالیهك یێ بهرههڤ نینه ناسنانی بدهته وان.
پهخشان زهنگهنه، سهرۆكا بهرێ یا جڤاتا بلندا كارۆبارێن خانمان بۆ رۆژناما ئهڤرۆ دیار كر، كارهساتا شنگالێ و جینۆسایدكرنا كوردێن ئێزدی زیانێن مهزن گههاندنە ژنا ئێزدی، ژبهركو هژمارهكا بهرچاف یا ژن و كچێن ئێزدی ژلایێ گروپێ تیرۆرستیێ داعش هاتبوونه رهڤاندن و گۆت؛ پشتی رزگاربوونێ ژی ژلایێ دهروونی و جڤاكی كاریگهری لسهر ئهڤان ژن و كچێن ئێزدی هێلاینه.
پەخشانێ دیار کر ژی، دهمێ كارهساتا شنگالێ پهیدابووی هژمارهكا زۆر یا كچ و ژنێن ئێزدی كهفتینه دهستێ داعشدا و گۆت؛ مه هزر ل دامهزراندنا دهزگهههكی كر بۆ رزگاركرنا وان كچ و ژنێن رهڤاندی، پشتی چهندین بزاڤان لسهر فهرمانا “نێچیرڤان بارزانی” سهرۆك وهزیرێن وی دهمی یێن ههرێما كوردستانێ دهزگهههك بۆ رزگاركرنا رهڤاندیێن ئێزدی هاته پێكئینان،
پەخشان زەنگە ئەو چەندە ژی دیار کر کو ههرچهنده كارەساتەكا زۆر مهزن بسهرێ كچ و ژنێن ئێزدی هات، بهلێ ههرێما كوردستانێ ژی هاریكاریێن باش پێشكێشی كوردێن ئێزدی كرینه ژ وانژی رزگاركرنا هژمارهكا زۆر یا رهڤاندیان، پشتی ڤهگهڕیانێ ژی خۆلێن جوراو جۆر بۆ هاتینه ڤهكرن داکو ژلایێ دهروونیڤە بهێنه چارهسهركرن و ڤهگهڕنە ناڤا جڤاكی.
پەخشانێ زێدەتر گۆت؛ هەروەسا ژلایێ ماددیڤە ژی ب فهرمانا سهرۆكێ حوكمهتا ههرێما كوردستانێ بهخشینهكا ههیڤانه پێشكێشی رزگاركریان دهێتهكرن، دهلیڤێن خواندنێ و چهندین خزمهتگوزاریێن دیژی پێشكێشی وان دهێنهكرن، هیڤی دكهین ههرێم یا بهردهوام بیت لسهر بزاڤێن خۆ بۆ رزگاركرنا وان كهسێن ههتا نوكه نههاتینه رزگاركرن.
بهخشانێ دیار کر کو مخابن ئهڤ كارهساتا بسهرێ كوردێن ئێزدی هاتی زۆر كاریگهریێن نهرێنی چێكرینه، ئاریشهیهك ههیه ئهوژی هندهك زارۆك ههلاویستی ماینه، چونكه ئهو ژنێن ئێزدی یێن هاتینه رزگار كرن زارۆك ههنه ئهو زارۆك ژ چهكدارێن داعش و ژنێن ئێزدی نه و گۆت؛ ئهز د چالاكیهكێ دا پشكدار بووم هندهك زارۆك مه دیتن ئهو زارۆك یێت ژنێن ئێزدی بۆن، بهلێ بابێن وان چهكدارێن داعشن، لهوڕا جڤاكێ ئێزدی ئهو زارۆك قهبیل نهكرینه و بادهكا وان ههلاویستی مایه.
سهرۆكا بهرێ یا جڤاتا بلندا كارۆبارێن خانمان د بەردەوامیا ئاخفتنێن خۆدا دیار کر کو مهرهم ئهوە زارۆك بووینه قوربانی و چارهنڤیسێ وان ئێكلا نهبوویه و یێ زهلال نینه، ژبهركو وان زارۆكا ئاریشهیا ناسنامێ ژی ههیه و پاشهڕۆژا وان یا دیار نینه و گۆت؛ ئهز باوهرم نها ژلایێ هندهك رێكخراوانڤە دهێنه ب رێڤهبرن و سهرپهرشتی كرن، بهلێ پرسیار ئهوه دێ پاشهڕۆژا وان بهر ب كیڤه چیت و چارهنڤیسێ وان دیار نینه.
