ئیران ب توندی هۆشداریێ ددەتە عەرەبستانا سعوودیێ
عەباس ئیراقچی وەزیرێ دەرڤە یێ ئیرانێ دیار کر، هەکە عەرەبستان و وەلاتێن دی یێن دەڤەرێ پشتەڤانیا ئێرشەکا نوو یا ئەمریکا بۆ سەر ئیرانێ بکەن یان ژی پشکداریێ د شەڕی دا بکەن ئیران دێ ب هەموو هێزا خوە بەرسڤا وان دەت، ئیرانێ خوە بۆ شەڕەکێ دەمدرێژ ل گەل ئەمریکا و ئسرائیلێ بەرهەڤ کریە و هەر وەلاتەک ژی پشتەڤانیێ ل ئێرشێن ئەمریکا و ئسرائیلێ بکەت دێ بیتە ئارمانجا ئێرشێن ئیرانێ و نها ئیرانێ ئەو شیان هەنە دشێت ل هەر جهەکێ زیانێ بگەهینتە بەرژەوەندیێن ئەمریکا و هەڤپەیمانێن وێ.
وەزیرێ دەرڤە یێ ئیرانێ ئەو یەک ژی دیار کر، ئیرانێ نەڤێت رەوشا دەڤەرێ ئالۆز بیت و بەری نها ژی ئیرانێ دیار کریە وان دڤێت هەموو پرسێن هەی ب رێیا دانوستاندنان چارەسەر بکەن، لێ ئیران خوە رادەست ناکەت و ترامپ ژی نەشێت ب زۆرێ داخوازیێن خوە ل سەر خەلکێ ئیرانێ فەرز بکەت.
