رێكێن سنۆرێ دەڤەرداریێن بەردەڕەشێ و ئاكرێ دهێنە سەخبێركرن
رەمەزان زەكەریا:
د چارچۆڤەیێ بەردەوامیا پڕۆژەیێن خزمەتگوزاری دا، ب تایبەت د بیاڤێ باشتركرنا ژێرخانا ڕێكان دا، كارێن سەخبێریكرنا بلەز بۆ چەندین ڕێكێن گشتی ل سنۆرێ دەڤەرداریێن بەردەڕەشێ و ئاكرێ دهێنە ئەنجامدان.
ئەندازیار محسن میرانی، رێڤەبەرێ سەخبێری و پارارستنا رێك و پران ل ئاكرێ بۆ ئەڤرۆ گۆت: «ل سەر ڕێكا سەرەكی یا بەردەڕەشێ بۆ كەلەكێ ل سنۆرێ دەڤەرداریا بەردەڕەشێ تیمێن مەیدانی بەردەوامن ل سەر ئەنجامدانا كارێ سەخبێریكرنا بلەز بۆ پڕكرنا چال و كۆركان، دا كو هاتنوچوونا وەلاتیان و شوفێران سلامەتتر و ب سەناهیتر لێ بهێت».
گۆت ژی: «ژ لایەكێ دی ڤە و ب مەرەما خزمەتكرنا ئاكنجیێن گوندان، هەر د چارچۆڤەیێ سەخبێریكرنا بلەز بۆ ڕێكا گوندێ گرگوران ل سنۆرێ ئاكرێ ژی ب دوماهی هات».
