رێڤەبەرێ كۆچ و كۆچبەران: چو ئاوارەیان ب زۆری ڤەناگـەڕینین
دهۆك، لەزگین جۆقی:
پیر دەیان جەعفەر، رێڤەبەری كۆچ و كۆجبەر و بەسڤدانا قەیرانان ل پارێزگەها دهۆكێ بۆ رۆژنامەیا ئەڤرۆ دیار كر كو ئەو چو ئاوارەیان ب زۆری ڤەناگەڕینن، هەروەسا چو ئاوارەیان ژی ب زۆری وەرناگرن و دبێژیت: ئەم هیڤیدارین حوكمەتا نوو یا ئیراقێ ب كریار بابەتێ ئاوارەیان چارەسەر بكەت و بەرهەڤییان بۆ ڤەگەڕیانا ئاوارەیێن شنگالێ بكەت.
ناڤهاتی ئاماژە ب وێ چەندێ ژی كر كو ئاوارەیێن شنگالێ باوەری ب حوكمەتا ئیراقێ نەمایە، هەر كابینەكا بهێت سۆزێ ددەتە ئاوارەیان، كو رەوشا شنگاڵ ئاسایی بكەت، لێ سۆزێن خۆ بجه نائینیت و گۆت: «هەتا نوكە 270 هزار كەسێن ئاوارە ل دهۆكێ و زاخۆ ماینە، ژبەر نەبوونا تەناهی و خزمەتگوزارییان نەشیاینە ڤەگەڕنە جهێن خۆ، مخابن حوكمەتا ئیراقێ ژی د كەیسا شنگالێ دا یا رژد نینە».
