ژڤانێ ناڤ تۆماركرنێ بۆ حەجێ هاتـە درێژكـرن
دهۆك، دلۆڤان ئاكرەیی:
پەیڤدارێ رێڤەبەریا حەج و عومرێ ل هەرێما كوردستانێ دیاركر، پرۆسێسا ناڤ تۆماركرنێ ل سەكویا (دەروازەیا حەجێ) هەتا دەمژمێر 12ی شەڤا 10/8/2026 دێ یا كارا بیت.
كاروان ستوونی، پەیڤدارێ رێڤەبەریا حەج و عومرێ ل هەرێما كوردستانێ بۆ رۆژنامەیا ئەڤرۆ گۆت: «دەمێ ناڤ تۆماركرنێ بۆ پرۆسێسا حەجی بۆ دەمێ پێنج ڕۆژێن دی هاتە درێژكرن و جارەكا دی ناهێتە درێژكرنڤە، مەرەم ژ ڤێ درێژكرنێ ژی بۆ وێ چەندێ یە، كو زۆرترین دەرفەت بۆ وان وەلاتیان بهێتەدان، یێن هەتا نوكە نەشیاینە ناڤێن خو تۆمار بكەن».
