پارێزگارێ دهۆكـێ پشتەڤانیا ئیـدارا پارێزگـەهێ بۆ پڕۆژەیێن زانكۆیێ دوپات دكەت
د. عەلی تەتەر، پارێزگارێ دهۆكێ دوهی 4/8/2026 پێشوازی ل د. داود سلێمان، سەرۆكێ زانكۆیا دهۆك كر و د روونشتنەكێ دا هەردو لایان ڕەوشا نوكە یا زانكۆیا دهۆك، كار و پڕۆژەیێن داهاتی و پێشەنگیا زانكۆیێ د پرۆسێسا باوەریدانێ دا دانوستاندن ل سەر كر و دوپاتی ل سەر گرنگییا پێشئێخستن و پاراستنا كەلتوور، زمان و دیرۆكا كوردی، وەكو ئەركەكێ نەتەوەیی و زانستی یێ زانكۆیێ كر.
د تەوەرەكێ دی یێ روونشتنێ دا، بەحس ل گرنگییا بەردەوامییا پشتەڤانییا وەلاتێ ئەلمانیا بۆ پەیمانگەها چارەسەریا دەروونی و تراومایێ ل زانكۆیا دهۆك هاتە كرن و سوپاسییا وەلاتێ ئەلمانیا هاتە كرن بۆ پشتەڤانییا وان یا بەردەوام د ڤی بیاڤێ مرۆڤی و زانستی دا، هەروەسا گەنگەشە ل سەر رەوشا مامۆستایێن زانكۆیێ و بەرهەڤیێن سالا نوو یا خواندنێ هاتە كرن.
ژ لایێ خۆ ڤە پارێزگارێ دهۆكێ دەستخۆشی ل بزاڤێن سەرۆكاتییا زانكۆیێ كر و پشتەڤانیا ئیدارا پارێزگەهێ بۆ هەموو پڕۆژەیێن داهاتی یێن زانكۆیێ ب ئارمانجا پێشئێخستنا ئاستێ ئەكادیمی ل پارێزگەهێ دوپاتكر.
