مووچەیێ فەرمانبەرێن هەرێمێ بۆ ئەڤ سالە و سالا بهێت هاتیە مسۆگەركرن
دهۆك، دلۆڤان ئاكرەیی:
سیپان شێروانی، ئەندامێ فراكسیونا پارتی ل جڤاتا نوونەرێن ئیراقێ بۆ رۆژنامەیا ئەڤرۆ دیار كر، ئەو پشتراستیێ ددەنە فەرمانبەر و مووچەخۆرێن كوردستانێ، كو قەیرانا دارایی یا نوكە چو كارتێكرنەكا نەرێنی ل سەر مووچەیێ ئەڤ سالە یێ فەرمانبەرێن هەرێما كوردستانێ نابیت.
ناڤهاتی گۆت: «شایستەیێن دارایی یێن مووچەخۆرێن هەرێما كوردستانێ ب تەمامی د پاراستی نە و مووچەیێ ئەڤ سالە و سالا بهێت ژی هاتیە مسۆگەركرن».
