مۆلەتا شوفێرییا دیجیتالی ب فەرمی هاتە پەسەندكرن
رەمەزان زەكەریا:
ل گۆر بڕیارەكا وەزیرێ ناڤخۆ یێ حكومەتا هەرێما كوردستانێ، شوفێر دشێن مۆلەتا شوفێریێ هەلنەگرن و ب تنێ د بەرنامەیێ KRDpass دا تۆمار بكەن و ب ڕێكا مۆبایلێن خۆ نیشا كارمەندێن هاتنوچوونێ بدەن.
ل گۆر وێ بڕیارا ژ لایێ ڕێبەر ئەحمەد، وەزیرێ ناڤخۆ دەركەفتی تێدا هاتییە: ب پشتەڤانیا وێ دەسهەلاتا پێ هاتیەدان، د یاسایا وەزارەتا ناڤخۆ دا یا سالا 2009 ئەڤ بڕیارە هاتینەدان.
هەلگرتن نیشادانا مۆلەتا شوفێریێ، كو ل ئێك ژ ڕێڤەبەریێن هاتنوچوونێ ب فەرمی دەركەفتییە، ژ لایێ شوفێری ڤە د دەمێ داخوازكرنێ ژ لایێ ئەفسەر یان كارمەندێ هاتنوچوونێ ڤە دێ ب ئێك ژ ڤان دو شێوازان بیت: مۆلەتا شوفێریێ ب شێوازێ كارت، یان مۆلەتا شوفێریێ ب شێوازێ دیجیتالی، كو ل سەر KRDpass بەردەستە ل سەر ئامیرێن زیرەك یێن پەیوەندیكرنێ.
ئاماژە ب وێ چەندێ ژی هاتییە كرن، هەلگرتنا مۆلەتا شوفێرییا دیجیتالی هەمان هێزا مۆلەتا شوفێرییا كارتی هەیە، ئەڤە ژی ب هەموو خەسلەتێن ئۆتۆماتیكی و نیشانێن تەكنیكی ڤە ژ لایێ فەرمانگەها تەكنۆلۆژیایا زانیاریان ڤە دیار كرینە.
