جادەیا ٦٠ مەتری ل تەناهیێ دهێتە قێركرن
دهۆك، دلۆڤان ئاكرەیی:
رێڤەبەرێ ناوچەداریا تەناهیێ یا سەر ب دەڤەرداریا سێمێلێ ڤە دیاركر، د چارچووڤەیێ پڕۆژەیێن گەشەپێدانا ژێرخانەیێ ل دەڤەرێ، دەست ب كارێن قێركرنا جادەیا 60 مەتری ل تەناهیێ هاتیە كرن.
شەعبان خەلیل، رێڤەبەرێ ناوچەداریا تەناهیێ بۆ رۆژنامەیا ئەڤرۆ گۆت: «ئەڤ پڕۆژەیە ب گوژمێ پتر ژ 12 ملیار دیناران و ب درێژاهیا كیلۆمەترەك و 300 مەتران ژ دۆڕیانا گوندێ فەڕەنسی دو هەتا جادەیا 30 مەتری یا كێڤلا دەستپێكریە، ئەڤ پڕۆژەیە ب سەرپەرشتیا ڕێڤەبەرییا گشتی یا باژێرڤانییان ل دهۆكێ و باژێرڤانییا تەناهیێ دهێتە بجهئینان و ب تەمامبوونا ڤی پڕۆژەی دێ خزمەتەكا باش یا وەلاتیێن ڤێ دەڤەرێ و شوفێران هێتە كرن».
